د عامې روغتیا وزارت له پاکستان سره په روغتیايي برخه کې د همکاریو تړون لاسلیک کړ

د عامې روغتیا وزارت وزیر، ښاغلي ډاکټر قلندر عباد او ورسره مل پلاوي د خپل سفر په لړ کې د افغانستان لپاره د پاکستان له ځانګړي استازي، محمد صادق سره په اسلام آباد کې لیدنه ترسره کړه.

په دې لیدنه کې دواړو لورو د روغتیا په برخه کې پر همکارۍ خبرې وکړې چې له مخې به یې پاکستان په افغانستان کې درې عصري روغتونونه د محمد علي جناح په کابل، د نشتر د پختورګو روغتون ننګرهار کې او د نایب امین الله خان لوګري روغتون په لوګر کې چې دغه هېواد جوړ کړي، پوره فعالول او د افغانستان حکومت ته وسپاري.

همدارنګه د ياد تفاهملیک په اساس به د افغانستان د عامې روغتیا وزارت د CPSP ادارې د یوې فعالې څانګې جوړولو په کابل کې همکاري وکړي او پرانیستل به شي , چې افغان ډاکټران به په هغه کې  تخصصي برنامې ، FCPS او MCPS وکړای شي.

او هم د افغان ډاکټرانو لپاره د ارتقاء ظرفیت یا روزلو په برخه کې د بورسیو ورکولو د همکارۍ تفاهملیک هم لاسلیک شو.