دعامې روغتياوزيرښاغلي ډاکټرقلندرعباددبغلان ولايت دسالنګ دپيښې دقربانيانو اوخدماتو په اړه سفر
د عامې روغتیا وزیر ښاغلي ډاکټر قلندر عباد او ورسره مل پلاوي د سالنګ د پېښې له کنټرول او خدماتو وروسته د بغلان ولايتي روغتون له روغتيايي پرسونل سره لیدنه ترسره کړه.
د عامې روغتيا وزير، ښاغلي ډاکټر قلندر عباد د بغلان ولايتي روغتون له مسوولینو او روغتيايي پرسونل سره لیدنه ترسره کړه او د دې روغتون مسوولینو ته یې د یوې ناستې په ترڅ کې د لا غوره خدماتو په اړه سپارښتنې وکړې.
همدارنګه د عامې روغتیا وزیرد روغتيايي خدمتونو په لا معياري کېدو ټينګار وکړ او زیاته یې کړه چې د افغانستان روغتيايي خدماتو په معياري کولو کې به لا زياتې هلې ځلې وکړي.
د یادونې وړ ده چې د عامې روغتیا وزیرپه بغلان کې د پولیو واکسین کمپاین هم په خپلو لاسونو سره پیل کړ.
د عامې روغتيا وزير د بغلان ولايت د معاون والي ملا احمدالله مبارک سره هم د سالنګ د پيښې د قربانيانو او خدماتو په اړه له نژدې وليدل او په شته مواردو يې سره خبرې اترې تر سره کړې.
هېره دې نه وي چې له تيرې ورځې راهيسي د بغلان ولايت د عامې روغتيا رياست روغتيايي ټيمونه په سيمه کې شتون لري.
