د افغانستان اسلامي امارت د عامې روغتیا وزیر، ښاغلي ډاکټر قلندر عباد د روغتیايي پروژو له تمویلونکو سره د وېډيو کنفرانس له لارې خبرې وکړې
دغه وېډيو کنفرانس نن یکشنبه د ذوالقعدې د میاشتې ۲مه نېټه ترسره شو، چې د افغانستان اسلامي امارت د عامې روغتیا وزارت سره په ګډې همکارۍ، مثبتو او نېکو اړیکو او د ثابت او پرمختللي روغتیايي سیستم پر رامنځته کولو بحث او خبرې وشوې.
د عامې روغتیا وزیر، ښاغلي ډاکټر قلندر عباد پر اوږدمهاله او اغېزمنو روغتیايي پروژو ټینګار وکړ او ویې ویل: ( موږ په روغتیايي سکتور کې په ډېر کم وخت، کم ملاتړ او لږه بودیجه ډېر اغېزمن کارونه ترسره کړي.)
ښاغلي وزیر همداراز زیاته کړه : ( موږ په ساحه کې یو او د خلکو په اړتیاوو او ستونزو پوهېږو او په روغتیايي سکتور کې مو تر ډېره اساسي ستونزې حل کړي او د پلان له مخې د پرمختللي او معیاري روغتیايي سیستم د رامنځته کولو لپاره کار کوو.)
د روغتیايي پروژو تمویلونکو د عامې روغتیا وزارت د فعالیتونو ستاینه او قدردانی وکړ او د دوامداره ملاتړ او ګډې همکارۍ ډاډ يې څرګند کړ.
