د افغانستان اسلامي امارت د عامې روغتیا وزیر، ښاغلي ډاکټر قلندر عباد او ورسره مل پلاوي د COMSTECH ادارې څخه لیدنه ترسره کړه
په دې لیدنه کې د عامې روغتیا وزیر، ښاغلي ډاکټر قلندر عباد د افغانستان د روغتیايي سکتور او د روغتیايي کارکوونکو د ظرفیت لوړونې اړوند معلومات وړاندې کړل.
د یادې ادارې مسئولینو د عامې روغتیا وزیر او ورسره مل پلاوي تود هرکلی وکړ او ترڅنګ یې ډاډ ورکړ، چې دوی ته هر څه ژر د بېلا بېلو څانګو څخه ډاکټران او متوسط طبي کارکوونکي ور و پېژني؛ تر څو د دوی له لوري ورته لنډمهاله او اوږدمهاله روزنیز پروګرامونه ترتیب کړي.
همداراز د نوموړې ادارې مسئولینو چمتوالی وښود، چې د PAK-AFGHAN health Forum به ډېر ژر د افغانستان او پاکستان د روغتیا وزارتونو سره په همغږۍ جوړ کړي.
د یادونې وړ ده، چې COMSTECH د اسلامي همکاریو سازمان یوه څانګه ده او د پاکستان ولسمشر یې مشري کوي.
