د عامې روغتیا وزارت کړنې او ننګونې وڅېړل شوې
یکشنبه، کب ١٥/١٤٠٠
د عامې روغتیا وزارت سرپرست ډاکتر قلندر عباد، نن د بورډ په ناسته کې د عامې روغتیا وزارت شته ننګونې او کړنې وارزولې.
په دې ناسته کې د اړوندو ادارو مسؤولینو خپل کاري راپورونه وړاندې کړل او د شته ننګونو د حل په اړه یې بحث او تبادل د نظر وکړ.
د عامې روغتیا وزارت سرپرست د روغتیايي ادارو د ننګونو او کړنو د ارزونې سربېره د روغتیايي ننګونو د حل لاسرسي او د همغږۍ پر لا پیاوړتیا ټینګار وکړ.
ډاکتر عباد، د اړوندو ادارو مسؤولینو ته لارښوونه وکړه، چې د روغتیايي خدمتونو د وړاندې کولو په ځانګړي ډول د ساري ناروغیو پر وړاندې د مبارزې په برخه کې دې جدي هڅې وکړي.
له بلې خوا، د اړوندو ادارو مسؤولینو د روغتیايي خدمتونو د وړاندې کولو د څرنګوالي په اړه خپل نظریات او وړاندیزونه وړاندې کړل.
