د عامې روغتيا سرپرست وزير او ورسره مل پلاوي د يو رسمي سفر په ترڅ کې پاکستان هيواد ته د آغا خان روغتون او پوهنتون مسٶولينو په تفاهم سره يوه ګډه کميټه جوړه کړه
د عامې روغتيا سرپرست وزير او ورسره مل پلاوي ، روغتيا په برخه کې د ظرفيت لوړلو په موخه له ياد روغتون او پوهنتون سره يوه ګډه کميټه جوړه کړه ترڅو په لنډ مهال ، منځ مهال او اوږد مهال کې د راډيولوژۍ، سرطان، زړه ، انستېزي، ظرفيت جوړونه، د متخصص ډاکټرانو ليږد راليږد، عقلي او رواني، څيړنيز فعاليتونه، د مور او ماشوم روغتيا، خوارځواکۍ، قابلګۍ او نورو مهمو او اړينو برخو کې له افغانانو سره مرسته او د افغان محصلينو روزنه وکړي، د يادونې وړ ده چي د روغتيا وزير له افغان محصلينو سره هم وليدل او وى ويل: چې ستاسو شتون د روغتيا په ډګر کې يو اساسى ضرورت دي او دا تشه ستاسو په هلو ځلو ډکيداى شي.
