په کاپيسا ولايت کې له پنځو ټنو څخه زيات بې کيفيته او تاريخ تېر خوراکي توکي راټول او له منځه يوړل شول
چهارشنبه، ثور ۲۸/ ۱۴۰۱
د کاپيسا ولايت د عامې روغتيا رييس ډاکټر موسى جان طه په دغه ولايت کې له پنځو ټنو څخه د زياتو بې کيفيته او تاريخ تېر خوراکي توکو د راټولولو خبر ورکوي.
دکاپيسا دعامې روغتيا رييس زياته کړه چې دغه خوراکي توکي دکاپيسا ولايت دتګاب ولسوالۍ له بيلابيلو هټيو څخه داستخباراتو ،امنيه قوماندانۍ ، دکرنې ، کليو پراختيا ، دچاپيريال ساتنې او عامې روغتيا رياست په ګډون د بيلابيلو ادارو د استازو په شتون کې راټول او له منځه يوړل شول .
ډاکټر طه زیاته کړه، چې د دغو پلټنو په پایله کې د کاپیسا ولایت په تګاب ولسوالۍ کې یو شمېر خصوصي درملتونونه او کلینیکونه لیدل شوي، چې په پایله کې یې پنځه درملتونونه او یو خصوصي کلینک د کاري جوازونو د نشتوالي او د قانون د نه مراعاتولو له امله تړل شوي دي.
