د ننګرهار د روغتیایي علومو په انستیتوت کې د دولسم ټولګي له فارغانو څخه د جذب ازموینه واخیستل شوه.
د ننګرهار روغتیایي علومو انسټيټيوټ په بیلابیلو څانګو کې د نوو زده کوونکو د جذب په موخه د ۱۲م ټولګیو له فارغینو څخه د کانکور آزموینه واخیستل شوه!
د ننګرهار عامې روغتیا ریاست اړوند د روغتیايي علومو انسټيټيوټ په عالي نرسنګ، طبي تکنالوژۍ، فارمسۍ، فیزیوتراپۍ او د غاښونو پروتیز څانګو کې په لومړۍ ورځ د ننګرهار، کونړ، لغمان او نورستان ولایتونو د شا او خوا ۴۰۰۰ د دولسم ټولګیو نارینه فارغینو څخه د کانکور آزموینه واخیستل شوه.
دغه راز د شنبه په ورځ به د شاوخوا ۱۲۰۰ ښځینه زده کوونکو څخه د آزموینې په اخیستلو سره به یادې آزموینې لړۍ پای ته ورسیږي.
د یادونې وړ ده چې د ۶۰۰۰ نارینه او ښځینه زده کوونکو له جملې څخه به ۲۳۰ تنه یاد انسټيټيوټ کې جذب شي.
