دعامې روغتیا وزیر، ښاغلي ډاکټر قلندر عباد له لوري د ملالۍ زېږنتون د لېپراسکوپي عملیات خونه پرانیستل شوه
ښاغلي وزیر، د دې عملیات خونې پرانیسته د روغتیايي خدماتو په برخه کې یو ستر ګام وباله او ویې ویل، د دې څانګې جوړول یوه مهمه اړتیا وه او د خوښۍ ځای دی چې نن یې پرانیسته ترسره کېږي.
ښاغلي وزیر همداراز د لېپراسکوپي عملیات، اهمیت ته په اشارې وویل، د خوښۍ ځای دی چې اوسمهال په هېواد کې دننه د لېپراسکوپي د زده کړې لپاره زمینه برابره شوې؛ خو پخوا به د دې برخې د زده کړې لپاره افغان ډاکټران په دېر زیات لګښت له هېواده څخه بهر تلل.
همدارنګه د دې روغتون د تلې مېډیسن او د نسايي ولادي د ناروغانو کتنځای هم چې تازه تجهیز او رغول شوي دي د عامې روغتیا وزیر، ښاغلي ډاکټر قلندر عباد له لوري پرانیستل شوې.
