د عامې روغتیا وزارت مالي او اداري معین بلخ ته د سفر په ترڅ کې د دې ولایت د انتاني ناروغیو ۵۰ بستریز روغتون، پایواز خونې او هېمودیالېز څانګې پرانیسته ترسره کړه
په دې مراسمو کې د عامې روغتیا وزارت مالي او اداري معین، مولوي محمد اسحق صاحبزاده د بلخ والي، حاجي محمد یوسف وفا د بلخ د عامې روغتیا ریاست مسئولینو د روغتیا نړیوال سازمان استازي او روغتیايي مسئولینو ګډون کړی و.
دغه روغتون چې پر مجهزو او عصري وسایلو سمبال دی د انتاني ناروغانو لپاره جلا مجهزې او عصري خونې، پرمختللي تشخیصیه وسایل؛ لابراتورا، PCR معاینات، ډیجیټل اکسرې، الټراسونډ، ایکو او نورې مجهزې برخې لري، چې نږدې ۷۲ تنه روغتیايي پرسونل د ناروغانو د درملنې لپاره په دې روغتون کې پر دندو ګمارل شوی.
د دې روغتون د تعمیر پر جوړېدو او تجهیز نېږدې پنځه لکه او پنځوس زره (۵۵۰۰۰۰) ډالر لګښت ترسره شوی چې د روغتیا نړیوال سازمان له لوري ورکړل شوي دي.
