د افغانستان اسلامي امارت د عامې روغتيا وزير ښاغلي ډاکټر قلندر عباد د جاپان هيواد له سفير ښاغلي تاکاشي اوکاډا سره په خپل کاري دفتر کې ليدنه تر سره کړه
د يادې ليدنې موخه د هيواد په سپينو ساحاتو کې د روغتيايي مراکزو جوړونه، د توبرکلوز ضد درملو کې د جاپان هيواد تمويل ، د روغتيايي پرسونل ظرفيت لوړونې برخه کې همکاري ، په کابل کې د افغان جاپان روغتون د تمويل او مرستې په اړه د جاپان هيواد مرستو بيا پيل او د دواړو هيوادونو ترمنځ د روغتيا په برخه کې همکاري او همغږي وه.
ښاغلي عباد د جاپان هيواد د مرستو او په ځينې برخو کې د دوامدارې همکارۍ څخه مننه وکړه او د روغتيا په سکتور کې کې يې د جاپان هيواد همکاري اړينه وبلله.
