د بادغیس ولایت  څخه د روغتیايي خدمتونو وړاندې کولو مرستيال لېدنه

 شنبه، جوزا  ۲۱ /۱۴۰۱
 د عامې روغتیا وزارت د روغتیايي خدمتونو وړاندې کولو مرستيال حبیب الله آخندزاده حامد او ورسره مل پلاوي د خپل ولایتي سفرونو په دوام کې داځل  بادغیس ولایت ته سفر وکړ او په دغه ولایت کې یې د روغتیايي خدمتونو د عرضې چارې له نږدې وڅېړلې.
 د عامې روغتیا وزارت مرستیال د حوزوي  روغتون، دولتي او خصوصي روغتیايي مرکزونو، له کارکوونکو، طبي کدرونو، د خصوصي سکتور له استازو، دولتي او پلي کونکو ادارو  له استازو سره د لیدنې پر مهال هم د شته ننګونو د حل او د روغتیايي کیفیت د ښه والي په موخه خبرې وکړې.
 د دغې ليدنې په ترڅ کې د روغتيايي خدمتونو وړاندې کولو په برخه کې د روغتيايي سکتور د ودې لپاره د يو لړ مهمو او بنسټيزو تدبيرونو او راتلونکو پلانونو په اړه ګډونوالو ته معلومات ورکړل شول او د دغه سفر موخه د روغتيايي خدمتونو ارزونه، د روغتيايي ستونزو  حل او په هېواد کې د روغتيايي نظام د ودې او پرمختګ وښودل شوه .
 له بلې خوا د بادغیس ولایت د عامې روغتیا رئیس مولوي محمد آصف قانت په دغه ولایت کې د روغتیا وزارت له مرستیال او ورسره ملګري پلاوي څخه مننه وکړه او هغوی ته یې د ترسره شویو دندو او فعالیتونو او د هغوی د راتلونکي په اړه معلومات ورکړل.