د فراه ولایتي روغتون له ۱۲۰ بسترونو څخه ۲۰۰ بسترونو ته ارتقاء ورکړل شوه
د عامې روغتیا وزارت مالي او اداري معین، ښاغلي مولوي محمد اسحق صاحبزاده او ورسره مل هئیت فراه ولایت ته د سفر په ترڅ کې د فراه ولایتې روغتون ته له ۱۲۰ بسترونو څخه ۲۰۰ بسترونو ته ارتقاء ورکړل شوه او هم په دې روغتون کې د هېمودیالېز څانګه پرانیستل شوه.
مالي او اداري معین ددې روغتون د بسترونو ارتقاء او د هېمودیالېز څانګې پرانیسته د فراه ولایت د ولسونو اړتیا وګڼله او ویې ویل، فراه ولایت ته زموږ د سفر موخه په دې ولایت کې له روغتیايي خدماتو او روغتیايي مراکزو لیدنه، د ولسونو ستونزې له نېږدي اورېدل او ورته د حل لارې پیدا کول دي.
د عامې روغتیا وزارت ژمن دی؛ څو د هېواد په ټولو سپینو ساحو کې چې د روغتیايي مراکزو د جوړېدو اړتیا وي روغتیايي مراکز جوړ او ولسونو ته معیاري روغتیايي خدمات وړاندې کړي.
