د روغتیايي خدمتونو وړاندې کولو څرنګوالی د ملي او نړیوالو روغتیا شریکانو سره د ویډیو کنفرانس له لارې و ارزول شول

Panah_moph
Wed, Oct 14 2020 5:26 PM
د روغتیايي خدمتونو وړاندې کولو څرنګوالی د ملي او نړیوالو روغتیا شریکانو سره د ویډیو کنفرانس له لارې و ارزول شول

د روغتیا وزرات نوماند وزیر ډاکټر احمد جواد عثماني د ویډیو کنفرانس له لارې د نړیوال بانک له استازو، د روغتیایي خدمتونو وړاندې کونکو مؤسسو او د ولایتونو عامې روغتیا رئیسانو سره په ولایتونو کې د روغتیایي خدمتونو وړاندې کولو د ښه کولو په پار بحث او خبرې وکړې.

په دې ناسته کې، ډاکټر عثماني د کرونا ویروس د دوهمې څپې مخنیوي په پار د روغتیایي مراکزو تجهیز، له مرکزي سټاک څخه ولایتونو ته د درملو او طبي وسایلو لېږد، او همدارنګه د کار کوونکو بایو متریک چې په پراختیایي پروژو او موسساتو کې کار کوي، له ګډونوالو سره خبرې وکړې او په دې برخه کې اړوندو مسؤلینو څخه یې د جدي او عملي اقداماتو ترسره کولو غوښتنه وکړه.

همدا ډول د روغتیا نوماند وزیر لارښوونه وکړه چې له دې وروسته د روغتیايي خدمتونو پلي کونکي ادارې/ موسسو مسؤلین د اړتیا وړ طبي توکي او اجناس د عامې روغتیا وزارت له مرکزي سټاک څخه تسلیم شي او د ولایتونو ټولو روغتیایي مرکزونو ته دې ولېږدوي چې په دې سره به هم د وخت، ډېر لګښت او بشري سرچینو له ضایع کېدو څخه مخنیوئ او اړمنو ته به لاسرسی وشي.

سربېره پردې، ډاکټر عثماني په پام کې لري ترڅو په ولایتونو کې د کورونا ویروس ناروغانو تشخیص لپاره ډېر لابراتوارونه رامینځته کړي، لسو ولایتونو ته د PCR ماشینونو لېږل، د پلي کوونکو موسسو له لارې د تشخیصیه کېټونو او لابراتواري اړتیاوؤ پوره کول، د روغتیایي کارکونکو لپاره د روزنې پرګرامونو په لاره اچول او په روغتیایي مرکزونو کې د روغتیا پالانو لخوا د ماسک اچولو په پار خبرې او مسؤلینو ته لازمې لارښوونې وکړې.

له بلې خوا، د عامې روغتیا نوماند وزیر د ولایتونو عامې روغتیا مسؤلینو څخه وغوښتل چې د کورونا ویروس د دوهمې څپې خپریدو لپاره د چمتو شوي پلان او لارښودونو سره سم ټول اړین چمتووالی ونیسي او د اړتیا په صورت کې ورسره عمل وکړي.

د غونډې برخه والو، چې د نړیوال بانک، د روغتیایي خدمتونو پلي کونکو مؤسسو او د ولایتونو روغتیا رئیسان پکې شامل وؤ، د پورته مسلو په اړه خپل نظریات او وړاندیزونه وړاندې کړل او په دې برخه کې یې د روغتیا نوماند وزیر سره د لا نورو همکاریو ژمنه وکړه.

د یادونې وړ ده چې د روغتیایي خدمتونو دوه وړاندې کوونکې موسسې هر یو ((AHEAD چې په تخار او (SDO) په زابل ولایت کې د تعین شویو معیارنو سره سم خپل روغتایي خدمتونو نه دي بشپړ کړي لغوه شوې.

Latest news

Wed, Feb 12 2020 3:24 PM
Background image

MoPH held an emergency meeting with international health partners to fight against the spread and control of COVID-19

Today MoPH conduct an emergency meeting regarding the prevention, spread and control of COVID-19 in Afghanistan and called on international partners for cooperation.

Minister of Public. . .

Tue, May 28 2019 12:50 PM
Background image

The Minister of Public Health of Afghanistan becomes a member of GAVI Alliance Board of Directors

As a member he will be representing the Developing Countries Constituency on the GAVI Alliance Board. Congratulations to all.

It is a great honor for Afghanistan.

Sat, Dec 29 2018 4:01 PM
Background image

20th polio Case Reported in Afghanistan marking highest number of cases since 2015

Kabul, 28 November 2018– Another new polio case has been reported from Shaheed-e-Hassas district of Urozgan province, a 3-year-old boy is now permanently paralyzed by the poliovirus.. . .

BACK TO NEWS