افغانستان د کورونا ویروس دوهمې څپې خپرېدو پړاو کې دی

Panah_moph
Wed, Nov 18 2020 3:37 PM
افغانستان د کورونا ویروس دوهمې څپې خپرېدو پړاو کې دی

د افغانستان د عامې روغتیا وزارت نوماند وزیر ډاکټر احمد جواد عثماني، نن په یو خبري کنفرانس کې په افغانستان کې د کورونا ویروس د دوهمې څپې له خپرېدو خبر ورکړ.

د عامې روغتیا وزارت نوماند وزیر وایي: د هغو پېښو له مخې چې د هېواد په لابراتوارونو کې معاینات شوي، ښیې چې په هېواد کې د کورونا ویروس د مثبتو پېښو شمېر مخ په ډېرېدو دی.

ډاکټر عثماني، په هېواد کې د کورونا ویروس د دوهمې څپې د مخنیوي په پار د عامې روغتیا وزارت لخوا د ترسره شوي اقداماتو په اړه ډاډ ورکړ او ټینګار یې وکړ: هغه پلان چې د اړوندو بنسټونو په همکارۍ د کورونا ویروس د دوهمې څپې مخنیوي لپاره رامینځته شوی، اوسهمال د هېواد په 34 ولایتونو کې د پلي کېدو په حال کې دی.

هغه همدارنګه وویل: چې بېړنۍ کمېتې بیاځلې فعالې شوې دي او د کورونا ویروس دوهمې څپې راتګ پر وړاندې مبارزه کوي.

ډاکټر عثماني دغه راز وویل: چې د افغانستان د اسلامي جمهوریت د کابینې د پرېکړې له مخې د دغه ویروس د دوهمې څپې خپرېدو د مخنیوي په پار د ودونو هوټلونه چې په هېواد کې د ویروس د خپرېدو مهم عوامل دي د لېندۍ/قوس میاشتې ترپایه به وتړل شي.

د عامې روغتیا نوماند وزیر له ټولو هېواد والو څخه وغوښتل، چې د ویروس په وړاندې د ساتنې لپاره ټولې روغتیایي سپارښتنې/ لارښوونې تعقیب کړي، په ځانګړي توګه د ماسک کارول، پرله پسې ډول د لاسونو مینځل او په ګڼه ګوڼي ځایونو کې له ګډون څخه ډډه وکړئ.

د عامې روغتیا نوماند وزیر په ګاونډیو هېوادونو کې د کورونا ویروس خپرېدل د اندیښنې وړ وبلل او له هېواد والو څخه یې وغوښتنه داده چې ایران او پاکستان هېوادونو ته د غیر ضروري سفرونو څخه دې ډډه وکړي.

ډاکټر عثماني همدارنګه زیاته کړه چې د کورونا ویروس پر وړاندې د بدن لوړ مقاومت مهم رول لوبوي چې د ویټامین ډي او ویټامین سي کارول د بدن مقاومت زیاتوي.

د یادونې وړ ده چې د نورستان، تخار او فاریاب ولایتونو د روغتیایي کار کونکو معاشونه د روغتیايي خدمتونو پلي کونکو مؤسسو بانکي حساب ته لېږدول شوي دي، چې په نږدې راتلونکي کې به د روغتیایي خدمتونو پلي کونکې موسسې د روغتیایي کار کونکو معاشونه ورکړي.

Latest news

Wed, Feb 12 2020 3:24 PM
Background image

MoPH held an emergency meeting with international health partners to fight against the spread and control of COVID-19

Today MoPH conduct an emergency meeting regarding the prevention, spread and control of COVID-19 in Afghanistan and called on international partners for cooperation.

Minister of Public. . .

Tue, May 28 2019 12:50 PM
Background image

The Minister of Public Health of Afghanistan becomes a member of GAVI Alliance Board of Directors

As a member he will be representing the Developing Countries Constituency on the GAVI Alliance Board. Congratulations to all.

It is a great honor for Afghanistan.

Sat, Dec 29 2018 4:01 PM
Background image

20th polio Case Reported in Afghanistan marking highest number of cases since 2015

Kabul, 28 November 2018– Another new polio case has been reported from Shaheed-e-Hassas district of Urozgan province, a 3-year-old boy is now permanently paralyzed by the poliovirus.. . .

BACK TO NEWS