د ډاکټر نجیب الله احمدزي لخوا د ترسره شوي عملیات د تحقیقاتو په اړه د عامې روغتیا وزارت اعلامیه!

Panah_moph

د عامې روغتیا وزارت نوماند وزیر ډاکټر احمد جواد عثماني د لارښوونې پر اساس دهغې ۱۵ کلنې جلۍ د عملیات موضوع چې د مغزو سرطان یې درلود او د دې عملیات د ډاکټر نجیب الله احمدزي لخوا ترسره شوی ویل شوي چې ګواکې د هغه لخوا عملیات ناقص ترسره شوی وؤ چې موضوع یې تر څېړنې لاندې ده.

د عامې روغتیا وزارت ډاکټر نجیب الله احمدزی راغوښتی او د دې موضوع د اصل په اړه یې ترې څېړنه او پوښتنه کړې، اما د دې لپاره چې قضیه په هر اړخیز ډول و څېړل شي، د هغه شخص حضور چې دا ادعا یې کړې حتمي دی او د اړوندو ادارو مسولان په دې هڅه کې دي چې د هغه ناروغ له خپلوانو سره اړیکه ونیسي د اړیکې شمېرې نشتون له امله بدبختانه نه دي توانېدلي چې ورسره اړیکه کې شي.

په همدې پار د عامې روغتیا وزارت د ناروغ له خپلوانو یا خلک چې د کورنۍ سره یې پیژني د دې موضوع د خبرېدو په صورت کې له دې شمېرې سره اړیکه کې شی 0202100448 او د عامې روغتیا وزارت سره د دې مسلې په هر اړخیزه څېړنه کې همکاري وکړئ.