د افغانستان د اسلامي جمهوریت د عامې روغتیا وزارت سرپرست د سویلي آسیا د عامې روغتیا وزیرانو په ناسته کې ګډون وکړ

Panah_moph
Thu, Feb 18 2021 8:22 PM
د افغانستان د اسلامي جمهوریت د عامې روغتیا وزارت سرپرست د سویلي آسیا د عامې روغتیا وزیرانو په ناسته کې ګډون وکړ

د عامې روغتیا وزارت سرپرست وزیر ډاکټر وحید مجروح؛ نن د سویلي آسیا هېوادونو د عامې روغتیا وزیرانو په غونډه کې چې په انلاین ډول جوړه شوې وه ګډون وکړ.

دغه غونډه د کورونا ویروس سره د مبارزې او مدیریت د څرنګوالي په برخه کې د سویلي آسیا هېوادونو تجربو شریکولو په پار په لاره اچول شوې وه. د سویلي آسیا هېوادونو د وزیرانو غونډه د هند لومړي وزیر ښاغلي نارندرا مودي په مشرۍ ترسره شوه.

ښاغلي نارندرا مودي د غونډې پرانیستې ته وینا وکړه او د کرونا ویروس بحران سره د مبارزې او مدیریت کولو برخه کې د سویلي آسیا هېوادونو د بریا ستاینه یې وکړه.

همدرانګه د عامې روغتیا سرپرست وزیر ډاکټر وحید مجروح، په دې غونډه کې د کورونا ویروس پر وړاندې د مبارزې په لومړۍ او دویمه څپه کې د افغانستان د روغتیا سکتور د تجربو او لاسته راوړنو څرنګوالی شریک کړ او ویې ویل: هغه ننګونې چې د عامې روغتیا وزارت درلودې د افغانستان د اسلامي جمهوري دولت د رهبري په ملاتړ سره و کولای شول چې د کورونا ویروس په بریالیتوب سره مدیریت کړي.

ډاکټر مجروح وویل: چې د کورونا ویروس بحران مدیریت د افغانستان او سیمې د روغتیا سکتور لپاره یوه ښه تجربه او فُرصت و او موږ له دې تجربې څخه زده کړل چې څنګه د نورو اېپدیمیانو سره چې په راتلونکي کې که پیل شي مبارزه وکړو.

د عامې روغتیا سرپرست وزیر د سیمې هېوادونو د همکارۍ پر پیاوړتیا ټینګار وکړ او د خپرېدونکو ویروسونو په ځانګړي توګه د کورونا ویروس پر وړاندې مبارزه کې د دوی رول مهم وباله.

په ورته وخت کې، د دې غونډې په دوام ښاغلي مودي د سیمې هېوادونو د اړیکو او همکاریو د پیاوړتیا لکه: د کورونا ویروس پر وړاندې مبارزه کې د تخنیکي همکاریو پیاوړي، اسانه کولو لپاره د دې حوزې هېوادونو د ډاکټرانو لپاره د اضطراري ویزو صادرول، د هوایي امبولانس په برخه کې د سیمه ییز ملکي هوایي چلند همکاري، د معلوماتو بانک د رامینځته کولو په برخه کې د سیمه ییز پلېټفارم رامینځته کول، په ګډه د موردي مطالعاتو او څېړنو په لاره اچول، د عصري ساینس او ​​ټکنالوژۍ پراساس د سیمه ییزې ایپیډیمولوژۍ شبکې د رامینځته کولو په اړه خپل وړاندیزونه وړاندې کړل.

دغه راز د عامې روغتیا سرپرست وزیر د افغانستان له دولت سره د هند دوست هېواد د همکاریو او په ځانګړي ډول د کورونا ویروس د بحران پرمهال او د 500 زره دوزه واکسین له مرستې مننه وکړه.

Latest news

Wed, Feb 12 2020 3:24 PM
Background image

MoPH held an emergency meeting with international health partners to fight against the spread and control of COVID-19

Today MoPH conduct an emergency meeting regarding the prevention, spread and control of COVID-19 in Afghanistan and called on international partners for cooperation.

Minister of Public. . .

Tue, May 28 2019 12:50 PM
Background image

The Minister of Public Health of Afghanistan becomes a member of GAVI Alliance Board of Directors

As a member he will be representing the Developing Countries Constituency on the GAVI Alliance Board. Congratulations to all.

It is a great honor for Afghanistan.

Sat, Dec 29 2018 4:01 PM
Background image

20th polio Case Reported in Afghanistan marking highest number of cases since 2015

Kabul, 28 November 2018– Another new polio case has been reported from Shaheed-e-Hassas district of Urozgan province, a 3-year-old boy is now permanently paralyzed by the poliovirus.. . .

BACK TO NEWS