د عامې روغتیا وزارت سرپرست د روغتیا د نړیوال سازمان د ختیځ مدیترانې دفتر له رئیس سره خبرې وکړې

Panah_moph
Sun, Feb 21 2021 10:33 PM
د عامې روغتیا وزارت سرپرست د روغتیا د نړیوال سازمان د ختیځ مدیترانې دفتر له رئیس سره خبرې وکړې

د عامې روغتیا وزارت سرپرست ډاکټر وحید مجروح، نن د ویډیو کنفرانس له لارې د نړیوال روغتیا سازمان (ایمرو) د ختیځ مدیترانې دفتر له رییس ډاکټر احمد المنداري سره خبرې وکړې.

د عامې روغتیا وزارت سرپرست په دې ناسته کې د ا.ا.ج د عالي مقام د لارښوونو په رڼا کې د دغه وزارت نوې برنامې د ښاغلي المنداري سره شریکې کړې، او ویې ویل چې د روغتیا سکتور د ټولو ابعادو په پام کې نیول سره رغنیزې طرحې تر کار لاندې دي او د دې طرحو تطبیق به د روغتیایي خدمتونو وړاندې کولو په برخه کې د موثریت او مثمریت سبب وګرځي.

هغه زیاته کړه په داسې حال کې چې د کورونا ویروس بحران د افغانستان د روغتیا سکتور له ناڅاپي ننګونو سره مخ کړ، د عامې روغتیا وزارت وکولی شو چې د شته امکاناتو په درلودو سره دا ننګونه د روغتیا سکتور د نیمګړتیاوؤ پېژندلو، او د روغتیایي سیستم د ځواب ویلو مؤثریت او په راتلونکي کې د ورته پېښو د ښه مدیریت لپاره په ښه فرصت بدل کړي.

د عامې روغتیا وزارت سرپرست په هېواد کې د ګوزڼ د نوي ډول ویروس د خپرېدو په اړه اندېښنه څرګنده کړه او د روغتیا له نړیوال سازمان څخه یې وغوښتل چې د دې سازمان هېوادنی دفتر په دې برخه کې خپل مسؤلیتونه په مؤثره توګه ترسره کړي.

هغه همدارنګه د پولیو پروړاندې مبارزه کې د عامې روغتیا وزارت، د روغتیا نړیوال سازمان او یونیسف تر منځ همغږي مهمه وبلله او ویې ویل چې د عامې روغتیا وزارت په مشرۍ د فعالیتونو د همغږي او اغېزمنتیا پیاوړي کولو د څرنګوالي په اړه کار روان دی.

ډاکټر مجروح په داسې حال کې چې د روغتیا د سیستم په پیاوړتیا او د عامې روغتیا وزارت سره په بېلابېلو برخو کې د تخنیکي ملاتړ په وړاندې کولو کې د نړیوال روغتیا سازمان اغېزمن رول، په ځانګړي ډول په هېواد کې د کورونا ویروس دغه راز د پولیو د له منځه وړلو پر وړاندې مبارزه، د روڼتیا د تامین اصول، حساب ورکونې او د دې سازمان په فعالیتونو کې اغېزمنتوب حتمي وباله.

له بلې خوا، ښاغلي المنداري د عامې روغتیا وزارت له نویو برنامو هرکلی وکړ او ژمنه یې وکړه چې د پولیو د له منځه وړلو، اصلاحي برنامې پلي کول او د دې ویروس د نوې بڼې په پېژندلو کې به د نړیوال روغتیا سازمان سره د عامې روغتیا وزارت سره ګډه همکاري وکړي.

ښاغلي المنداري وویل: چې دوی به د روڼتیا تامین، حساب ورکونه او موثریت برخه کې د عامې روغتیا وزارت سره په همغږۍ هڅه وکړي.

ډاکټر مجروح څرګنده کړه، چې د عامې روغتیا په وزارت کې اداري ظرفیت او بشري سرچینې په تېرو شلو کلونو کې ډېرې شوي دي، د مرحله وارو مسؤلیتونو لېږد، او د عامې روغتیا وزارت تخنیکي څانګو ته د وقایوي برنامو د پلي کولو مسؤلیت د عامې روغتیا وزارت مهمه اجنډا وګڼله، ښاغلي المنداري په دې برخه کې موافقه وکړه او د بشپړې همکارۍ ژمنه یې وکړه.

Latest news

Wed, Feb 12 2020 3:24 PM
Background image

MoPH held an emergency meeting with international health partners to fight against the spread and control of COVID-19

Today MoPH conduct an emergency meeting regarding the prevention, spread and control of COVID-19 in Afghanistan and called on international partners for cooperation.

Minister of Public. . .

Tue, May 28 2019 12:50 PM
Background image

The Minister of Public Health of Afghanistan becomes a member of GAVI Alliance Board of Directors

As a member he will be representing the Developing Countries Constituency on the GAVI Alliance Board. Congratulations to all.

It is a great honor for Afghanistan.

Sat, Dec 29 2018 4:01 PM
Background image

20th polio Case Reported in Afghanistan marking highest number of cases since 2015

Kabul, 28 November 2018– Another new polio case has been reported from Shaheed-e-Hassas district of Urozgan province, a 3-year-old boy is now permanently paralyzed by the poliovirus.. . .

BACK TO NEWS