د آسیا پراختیایي بانک لخوا د روغتیایي توکو یوه کڅوړه د عامې روغتیا وزارت وسپارل شوه
د آسیا پراختیایي بانک (ADB) لخوا د کورونا ویروس پر وړاندې مبارزه کې د افغانستان حکومت سره د روغتیایي توکو شوې مرسته نن د عامې روغتیا وزارت ته وسپارل شوه.
دغه کڅوړه کې، د ۹۱۳۰۰۰ ډالرو په ارزښت محافظتي کېټونه، ماسک، محافظتي عینکې، فیس شیلد او د کورونا ویروس پر وړاندې مبارزه کې څو قلمه نور روغتیایي توکي هم شامل دي.
د عامې روغتیا وزارت د نړیوالو اړیکو رییس ډاکټر محمد عظیم زمریال په دې غونډه کې وویل: زه د افغانستان حکومت او د روغتیا سکتور په استازولۍ د آسیا پراختیایي بانک د مرستې له امله مننه کوم او هیله مندیم چې دغه مرستې د روغتیایي خدمتونو او کورونا ویروس پر وړاندې مبارزه کې د افغانستان د روغتیا سکتور سره دوام پیدا کړي.
همدا ډول ډاکټر زمریال زیاته کړه چې د غه روغتیایي توکو رول به د روغتیایي کار کونکو په ساتنه، پاملرنه او د کورونا ویروس ناروغانو د درملنې برخه کې اغېزمن وي.
د یادونې وړ ده چې دغه مرسته د کورونا ویروس پروړاندې مبارزه کې د افغانستان حکومت سره د آسیا پراختیايي بانک لخوا لومړۍ مرسته نه بلکې دغه بانک د افغانستان خلکو سره ډېرې کړي دي.