د هېواد په ١٠ ولایتونو کې د اکسیجن د تولید دستګاه وؤ پر نصب او فعالولو باندې د عامې روغتیا وزارت د مشرتابه ټنیګار
دوشنبه، زمری ١١/١٤٠٠
د عامې روغتیا وزارت، سرپرست ډاکتر وحید مجروح، نن له لرې لارې د یونسیف ادارې استازي او د هغوی له مل ټیم سره د اکسیجن د تولید دستګاه وؤ د تدارکاتي پروسې پر وړاندې د شته ننګونو په اړه بحث وکړ.
په دې ناسته کې، هغه ننګونې چې د تدارکاتو او تخنیکي کارونو په پروسه کې د اکسیجن د تو لید دستګاه وؤ د نصب او فعالولو په پار چې د یونسیف ادارې لخوا له دوه شرکتونو سره شوي وؤ د یونسیف له استازي سره شریکې شوې او د دې ستونزې پرحل هوکړه وشوه.
د عامې روغتیا وزارت سرپرست په اړمنو ولایتونو کې د اکسیجن د تولید دستګاه وؤ پر نصب او فعالولو باندې ټینګار وکړ او ویې ویل چې په هېواد کې د کورونا وضعیت له امله یو شمېر ولایتونه د اکسیجن د تولید دستګاه وؤ ته ډېره اړتیا لري.
په ورته وخت کې، د یونیسف ادارې استازي د موجوده ننګونو د حل په پار د همکارۍ ژمنه وکړه او ویې ویل چې زموږ همکاران به د عامې روغتیا وزارت د اړوندو څانګو استازو سره په ګډه ناسته کې کار وکړي ترڅو دا ننګونه حل کړي.
