د عامي روغتیا د مالی او اداري چارو مرستیال ښاغلی مولوي محمد اسحاق صاحبزاده د UNFPA اداري د اسیا حوزي لپاره مسٔوول پیو سمیت او په افغانستان کی د یادي اداري نوي راتلونکي مسٔوول کوابینا استني سره لیدنه ترسره کره.
د عامي روغتیا د مالی او اداري چارو مرستیال ښاغلی مولوي محمد اسحاق صاحبزاده د UNFPA اداري د اسیا حوزي لپاره مسٔوول پیو سمیت او په افغانستان کی د یادي اداري نوي راتلونکي مسٔوول کوابینا استني سره لیدنه ترسره کره.
په دې ليدنه کې د عامې روغتيا وزارت مالي او اداري چارو مرستيال
ښاغلي صاحبزاده د يادې ادارې د روغتيا په برخه کې د کارونو او فعاليتونو په اړه له اړوندې ادارې مننه وکړه او د نويو روغتيايي ځالو د ارتقاء او کارکوونکو د زياتوالي په اړه بحث او خبرې تر سره کړې.
ښاغلي صاحبزاده زياته کړه، دا چې په ټول هېواد کې مو لله الحمد امن دی، هره نړيواله اداره چې د روغتيا په برخه کې کار کوي مونږ ورته د کار زمينه برابرو؛ تر څو د هېوادوالو لپاره مو معياري روغتيايي خدمات وړاندې شي او د هغه سيمو خلک له روغتيايي خدمتونو برخمن شي، چې په تېرو شلو کالو کې ورته هېڅ پاملرنه نه ده شوې.
د ناستې په پای کې د UNFPA ادارې د اسيا حوزې مسؤول د عامې روغتیا وزارت له دوامدارې همکارۍ مننه وکړه او د روغتیا په برخه کې د لا زياتې همکارۍ او همغږۍ اړوند ژمنتیا څرګنده کړه.
