د اروزګان ولایت روغتیایي وضعیت وارزول شو

Panah_moph
یکشنبه ۱۳۹۹/۷/۲۷ - ۱۳:۲
د اروزګان ولایت روغتیایي وضعیت وارزول شو

د عامې روغتیا وزارت د پالیسي او پلان جوړونې معین پوهندوی ډاکټر بشیر نورمل، د ۱۳۹۹کال د تلې د میاشتې په ۲۲مه نېټه اروزګان ولایت ته د یوه پلاوي په مشرۍ د دې ولایت د روغتیایي وضعیت د ارزونې په موخه سفر وکړ نوموړي په دې سفر کې د اروزګان ولایت نوي د عامې روغتیا رئیس ( ډاکټر عبدالغفار وطنوال) تر معرفي کېدو وروسته د دغه ولایت روغتیا ریاست مسؤلینو، دولتي چارواکو، د روغتیایي خدمتونو وړاندې کونکو موسسې استازو، د ترینکوټ نوي ولایتي روغتون، د کوېد - 19 څانګې او پخواني ولایتي روغتون څخه په لیدنه کې د هریوه اجراات تر ژورې کتنې او ارزونې لاندې نیولي او په مختلفو برخو کې یې اړوندو مسؤلینو ته لازمې لارښوونې وکړې.

پوهندوی ډاکټر نورمل له خپل کاري ټیم سره د دې سفر په لړ کې د روغتون ودانۍ د لیدنې پر مهال د ابو څښلو په سیسټم، مرکز ګرمۍ، سپټیک څا، د هوا تصفیې سیسټم، اکیسجن سیسټم، د برق د تولید، د روغتون د تنویر، د ودانۍ نه معیاري توب، د ولایتي روغتون د احاطې دېوال نیمګړتیاوې، او د ځنې اړینو څانګو د روغتیایي پرسونل نه شتون، د یاد روغتون اصلي او اساسي ستونزې وبللې، د دې روغتون د ستونزو او نیمګړ تیاوؤ د له مینځه وړلو لپاره چارواکو ته لازمې لارښوونې وکړې او ژمنه یې وکړه چې کابل ته تر ورتګ وروسته به د وزارت له مشرتابه سره یوځای د دې ولایت روغتیايي ستونزو ته جدی لاسری کېږی.

د روغتیایي پرسونل پرکمښت سربېره، د درملو، طبي او غیر طبي مصرفي توکو کمښت چې د روغتیایي خدمتونو د پلي کوونکې موسسې لخوا باید برابر شي، د۔دې موسسې د ادارې چارواکو لخوا ولایتي ټیم ته د واک ننه ورکول، د روغتیایي کارکونکو لپاره د روزنې د برنامو نه شتون، د روغتون ساتنې او پاملرنې ته نه پاملرنه، د روغتیایي تسهیلاتو نه شتون د دغه ولایت په روغتیایي مرکزونو کې له نورو هغو ستونزو څخه دي، چې د پالیسۍ او پلان معین پوهندوی ډاکټر بشیر نورمل د ټولو ستونزو تر ارزولو وروسته د (SHDP) روغتیایي موسسې او د یاد ولایت د عامې روغتیا ریاست مسولینو ته لارښونه وکړه چې د دې ستونزو د حل په موخه جدي او کوټلي ګامونه پورته کړي.

تازه خبرونه

یکشنبه ۱۳۹۹/۸/۴ - ۱۶:۲۰
Background image

د عامې روغتیا وزارت لپاره د ستراتیژیکو همکاریو د غوښتنې ناسته ترسره شوه

دغه ناسته د (Cord aid) روغتیایي دفتر، د افغان پراختیایي موسسې استازو او نورو څانګو په همکارۍ د عامې روغتیا وزارت لپاره د ستراتیژیکو او ډېرو مالي مرستو ترلاسه کولو او روغتیایي خدمتونو ته. . .

شنبه ۱۳۹۹/۸/۳ - ۱۷:۲۵
Background image

د عامې روغتیا وزارت د پولیو د له منځه وړلو نړیواله ورځ ونمانځله

په نړۍ کې د پولیو/ګوزڼ نړیوالې ورځې نمانځل، د افغانستان د عامې روغتیا وزارت، یونیسیف ادارې، د روغتیا نړیوال سازمان او نور روغتیايي همکارانو د پولیو نړیوالې ورځې د نمانځلو په پار په سختو. . .

شنبه ۱۳۹۹/۸/۳ - ۱۶:۲۸
Background image

د تخصص برنامې بشپړولو لپاره شاوخوا ۵۰۰۰ کسانو آزموینه ورکړه

د افغانستان د اسلامي جمهوریت د عامې روغتیا وزارت د جمعې ‎په ورځ (د ۱۳۹۹/ لړم ۲) نېټه د ازموینې ملي ادارې په همکارۍ د تخصص برنامې کې د شاملېدو په موخه ازموینه واخیسته.

په دغه آزموینه کې. . .

BACK TO NEWS