د فارمسستانو نړیواله ورځ ولمانځل شوه

Panah_moph
شنبه ۱۳۹۹/۷/۵ - ۱۵:۲۳
د فارمسستانو نړیواله ورځ ولمانځل شوه

د عامې روغتیا وزارت د فارمسستانو نړیواله ورځ "په نړیواله روغتیا کې بدلون" تر شعار لاندې په هیواد کې د فارمسستانو د ښو کړنو ستایلو په پار ولمانځله.

د عامې روغتیا نوماند وزیر ډاکټر احمد جواد عثماني د دغې ورځ په پار د هېواد ټولو فار مسستانو ته مبارکي وویله او د دوی د کارونو ستاینه یې وکړه.

ډاکټر عثماني د روغتیايي خدمتونو په وړاندې کولو کې د فارمسستانو رول ارزښتناک وباله او زیاته یې کړه چې د فارمسستانو ظرفیت لوړولو لپاره، موږ هڅه کوو چې دې برخه کې د تخصصي برنامې لپاره زمینه برابره کړو.

د عامې روغتیا نوماند وزیر زیاته کړه چې د دې برخې د اهمیت او د درملو جوړونکو/ فارمسستانو د خدمتونو له امله به د درمل جوړولو/ فارمسستانو نړیواله ورځ د روغتیا سکتور تقویم کې شامل شي.

د عامې روغتیا نوماند وزیر ټینګار وکړ چې د درملو کموالی او د درملو بیه کې د توازن نشتوالی په درملتونونو کې له مهمو ننګونو څخه دي چې د دې ستونزو د حل لپاره هڅې روانې دي.

هغه وویل: " هر کال کې شاوخوا ۴۰۰ ملیونه تر ۵۰۰ ملیونه ډالر له هېواد نه بهر درملو پېرودلو باندې مصرفېږي، چې دا د هېواد اقتصاد ته خپله لوی اقتصادي زیان دی، موږ هڅه کوو چې په کور دننه د درملو د تولید زمینه برابره کړو، تر څو له هېواد نه بهر د درملو واردولو کې د زیاتو لګښتونو څخه مخنیوئ وشي.

په ورته وخت کې د ولسمشرۍ ماڼۍ د چارو ادارې مرستیال/استازی ډاکټر عبدالکریم توتاخېل د فارمسي نړیوالې ورځې په پار د هېواد ټولو فار مسستانو ته مبارکي وویله او ویې ویل چې د فارمسي څانګه له نورو طبي څانګو سره زنځیري اړیکې لري او د فارمسي برخې باید ملاتړ وشي.

همدارنګه د افغانستان د درمل جوړونکو/فارمسستانو ملي اتحادیې رئیس ډاکټر محمد ژکفر د فارمسي څانګه د روغتیا او ناروغیو د مدیریت په برخه کې یو له خورا مهمو دندو څخه وبلله او د عامې روغتیا وزارت پر رهبرۍ یې غږ وکړ چې په ټولو برخو په ځانګړي ډول د فارمسستانو ظرفیت جوړونې په برخه کې دې ملاتړ وکړي.

تازه خبرونه

یکشنبه ۱۳۹۹/۸/۴ - ۱۶:۲۰
Background image

د عامې روغتیا وزارت لپاره د ستراتیژیکو همکاریو د غوښتنې ناسته ترسره شوه

دغه ناسته د (Cord aid) روغتیایي دفتر، د افغان پراختیایي موسسې استازو او نورو څانګو په همکارۍ د عامې روغتیا وزارت لپاره د ستراتیژیکو او ډېرو مالي مرستو ترلاسه کولو او روغتیایي خدمتونو ته. . .

شنبه ۱۳۹۹/۸/۳ - ۱۷:۲۵
Background image

د عامې روغتیا وزارت د پولیو د له منځه وړلو نړیواله ورځ ونمانځله

په نړۍ کې د پولیو/ګوزڼ نړیوالې ورځې نمانځل، د افغانستان د عامې روغتیا وزارت، یونیسیف ادارې، د روغتیا نړیوال سازمان او نور روغتیايي همکارانو د پولیو نړیوالې ورځې د نمانځلو په پار په سختو. . .

شنبه ۱۳۹۹/۸/۳ - ۱۶:۲۸
Background image

د تخصص برنامې بشپړولو لپاره شاوخوا ۵۰۰۰ کسانو آزموینه ورکړه

د افغانستان د اسلامي جمهوریت د عامې روغتیا وزارت د جمعې ‎په ورځ (د ۱۳۹۹/ لړم ۲) نېټه د ازموینې ملي ادارې په همکارۍ د تخصص برنامې کې د شاملېدو په موخه ازموینه واخیسته.

په دغه آزموینه کې. . .

BACK TO NEWS