د مرکز او ولایتونو له رئیسانو سره د روغتیایي خدمتونو وړاندې کولو څرنګوالی تر ارزونې لاندې ونیول شو

Panah_moph
شنبه ۱۳۹۹/۱۰/۲۷ - ۱۳:۴۹
د مرکز او ولایتونو له رئیسانو سره د روغتیایي خدمتونو وړاندې کولو څرنګوالی تر ارزونې لاندې ونیول شو

د عامې روغتیا وزارت د روغتیایي خدمتونو وړاندې کولو معین ډاکټر وحید مجروح، نن د ویډیو کنفرانس له لارې د مرکز او ولایتونو دعامې روغتیا رئیسانو سره د ستونزو د حل، د کارکونکو تشکیل بیاکتنه، د ولایتونو د عامې روغتیا رئیسانو د صلاحیتونو او مسؤلیتونو په اړه بحث وکړ.

په دې ناسته کې لومړی، د جوزجان، دایکندي، بغلان، لغمان، کندز او بلخ ولایتونو د عامې روغتیا رئیسانو د روغتیایي کارکونکو تشکیل بیاکتنه، کاري صلاحیتونو، مسؤلیتونو او همدارنګه هغه ستونزې چې د دوی په وړاندې واقع دي د روغتیایي خدمتونو وړاندې کولو معین سره خبرې وکړې او د عامې روغتیا وزارت له رهبرۍ څخه د دوی ستونزو د حل غوښتونکي شول.

د روغتیايي خدمتونو وړاندې کولو معین د اړوندو څانګو مسؤلینو ته لارښوونه وکړه چې د دوی د ستونزو د حل لپاره جدي او عملي اقدامات وکړي.

دغه راز ډاکټر مجروح له مرکز څخه د ولایتونو روغتیایي مسؤلینو ته د ځینو واکونو ورکولو لکه: د اسنادو د پروسس کول، ډېرې کار اسانتیاوې رامنیځته کول، د کارکونکو د تشکیل بیاکتنه او مرکز ته لېږل او همدارنګه د تشکیلاتي اړخه نظر درجې ته د ولایتونو تفکیک په اړه له ګډونوالو سره خبرې وکړې او په دې برخه کې یې مسؤلینو ته لازمې لارښوونې وکړې.

سربېره پردې، د روغتیایي خدمتونو وړاندې کولو معین یوه کمېټه وټاکله ترڅو د کوویډ - 19 په ټولو روغتیایي مرکزونو کې د وینټیلیټرونو، طبي تجهیزاتو، اکسرې او لابراتواري معایناتو د ترسره کولو او شتون څخه د وزارت رهبرۍ ته راپور ورکړي.

له بلې خوا، ګډونوالو د مطرح شویو موضوعاتو په اړه خپل نظریات او وړاندیزونه وړاندې کړل او د وزارت له رهبرۍ سره یې د لازیاتو همکاریو ژمنه وکړه.

تازه خبرونه

شنبه ۱۳۹۹/۱۲/۱۶ - ۱۵:۳۸
Background image

د روغتیا په سکتور کې د اداري فساد پروړاندې مبارزه باندې د عامې روغتیا وزارت د رهبرۍ ټینګار

د عامې روغتیا وزارت د پلان او پالیسي معین ډاکټر بشیر نورمل نن د عامې روغتیا وزارت او مدني ټولنې د ګډې کمیټې په لومړۍ ناسته کې ګډون وکړ او د روغتیا په برخه کې د اداري فساد پر وړاندې. . .

شنبه ۱۳۹۹/۱۲/۱۶ - ۱۱:۱۲
Background image

زموږ هوډ په هېواد کې د روغتیايي خدمتونو د کیفیت او کمیت لوړول دي

د وزیر محمد اکبر خان روغتون د ارتوپيډي څانګه کې نه ستړې کیدونکې هڅې او د مسلکي پوهې لوړتیا د ارتوپيډي ستونزو د درملنې برخه کې د هیله بخښونکي پرمختګ لامل شوې ده.

نن ورځ، د پېچلو. . .

چهارشنبه ۱۳۹۹/۱۲/۱۳ - ۲۳:۵۸
Background image

د عامې روغتیا وزارت سرپرست وزیر د کورونا واکسین ترلاسه کړ

د عامې روغتیا وزارت سرپرست ډاکتر وحید مجروح او د دې وزارت د رهبري هئیت نن د کورونا واکسین ترلاسه کړ.

ډاکټر وحید مجروح د کورونا واکسین پلي کول، په هېواد کې د کورونا ویروس د له مینځه. . .

BACK TO NEWS