د هیواد په ۲۰ ولایتونو کې د پولیو واکسین کمپاین پیلیدل

Panah_moph
دوشنبه ۱۳۹۹/۶/۲۴ - ۱۵:۱۷
راه اندازی کمپاين واکسین فلج اطفال در 20 ولایت کشور

په افغانستان کي د پولیو واکسین کمپاینونه دکرونا ناروغي له ناورین ورسته بیرته پیل شوي چې په ترڅ کي يې نیږدې لس میلیونه تر پنځه کالو کم عمره ماشومان له واکسین څخه بې برخي او د ګوزڼ له ګواښ سره مخ وو. په دې ترڅ کي د پولیو واکسین فرعی کمپاین د سنبلې میاشتي له ۲۴ څخه تر ۲۸مي نیټې پوري د هیواد د ختیځي، لویدیزي، جنوبي، مرکزي او شمال ختیځي حوزو په شلو ولایتونو کي پلان شوی چې په ترڅ کي به یې ۶،۱ میلیون ترپنځه کالو کم عمره ماشومان واکسین کړل شي.

د کرونا ناروغۍ رامنځته کیدل او په چټکي سره په ټول هیواد کي خپریدل د پولیو واکسین د کمپاینونو په شمول ټول صحي خدمات اغیزمن کړل او د واکسین کمپاینونه د فیبروري میاشتي څخه نیولي د جولای تر میاشتي پوري د کرونا ناروغي د خپریدو دمخنیوي په خاطروځنډول شول. په روان کال کي تراوسه ۴۶ د پولیو پيښي رامنځته شوي چې ۳۲ يې په جنوبي حوزه کي رامنځته شوي چې ډیری یې له هغو سیمو څخه دي چې لاسرسی ورته ستونزمن دی او باقي پيښي یې د هیواد له داسي سیمو راپورشوي چې په پخوا کي له دې ناروغۍ پاکي وې.

د عامي روغتیا وزیر ډاکټر احمد جواد عثماني وايي، « موږ اجازه نشو ورکولای چې ګوزڼ یا پولیو د ماشومانو ژوند ورتباه کړي. د افغانستان حکومت د کرونا ناروغي د خپریدو د خطر په نظر کي نیولو سره د ټولو احتیاطی تدابیرو په نظر کي نیولو سره د واکسین کمپاین د ترسره کیدو اجازه ورکړه ترڅو ماشومان له ګوزڼ څخه وژغورل شي. زه له ټولو والدینو څخه هیله لرم چې د واکسین کارکوونکو ته په خلاصه غیږ هرکلی ووايي او خپل ماشومان واکسین کړي. د افغانستان راتلونکی په دې پوري تړلی چې څنګه موږ ماشومان د مخنیوي وړ ناروغیو په وړاندي د واکسین کولو سره ژغورو» .

هرماشوم په هره دوره کي واکسینول په هیواد کي د پولیو ناروغي د اوسني خپریدود درولو یواځينۍ لار ده. د پولیو پروګرام د کرونا ناروغي د خپریدو د خطر په نظر کي نیولو سره ټولو کارکونکو ته محافظتی توکي ورکړي ترڅو د کرونا د خپریدو له خطره مخنیوی وشي او هم د پولیو واکسین کمپاینونه تطبیق کړل شي.

د روغتیا د نړیوالی اداری استازی ډاکټر ریچارت پیپرکارن وایي څرنګه چې د پولیو کارکوونکو د کوید۱۹ دبیړنی حالت له پیل څخه د دغه پاندمۍ په وړاندی مبارزه کې مرسته کړی ده ځکه خو هغوی د انتان د مخنیوی او کنترول په برخه کې په هراړخیز ډول زدکړې ترلاسه کړي دي. په همدی دلیل د پولیو پروګرام اماده دی چې ډیر ژر او په مصون ډول د پولیو واکسین کامپاین بیا پیل کړي. له کومه ځایه چې د کوید۱۹ پای لا معلوم ندی، مهمه داده چې د واکسین فعالیتونه او نور اساسی روغتیایی چوپړ بیرته پیل او پیاوړې شې تر څو یو ناورین د بل ناورین د رامنځته کولو پیلامه نشي.

د یونیسیف افغانستان عمومي ریئس ډاکټر ابوبکر کامپو وایي « دا ډیره اړینه ده چي افغان ماشومان د پولیو په څیر د مخنیوي وړ ناروغيو په وړاندې خوندي کړل شي. موږ د ټولو کاري همکارانو په ښکیلولو باید له ټولو ممکنو تګلارو کارواخلو تر څو هر ماشوم ته ځان ورسوو او له دې ساري ناروغۍ څخه ځان خلاص کړو»

د افغانستان حکومت، نړیوال روغتیایی سازمان، یونیسیف او د پروګرام تمویلونکي په دې صلاح دي چې ټولي هڅي باید په ګډه سره متمرکزي کړل شي ترڅو ټولو ماشومانو ته واکسین ورسول شي.

تازه خبرونه

شنبه ۱۳۹۹/۷/۵ - ۱۵:۲۳
Background image

د فارمسستانو نړیواله ورځ ولمانځل شوه

د عامې روغتیا وزارت د فارمسستانو نړیواله ورځ "په نړیواله روغتیا کې بدلون" تر شعار لاندې په هیواد کې د فارمسستانو د ښو کړنو ستایلو په پار ولمانځله.

د عامې روغتیا نوماند وزیر ډاکټر احمد. . .

چهارشنبه ۱۳۹۹/۷/۲ - ۱۵:۳۳
Background image

د عامې روغتیا نوماند وزیر د مدیترانې په حوزه کې د روغتیا نړیوال سازمان د روغتیا بېړنیو پروګرامونو له رئیس ډاکټر ریچارد جان برنن او د دوی مل پلاوي سره وکتل

د افغانستان د اسلامي جمهوریت د عامې روغتیا نوماند وزیر ډاکټر احمد جواد عثماني، د مدیترانې په حوزه کې د روغتیا نړیوال سازمان د روغتیا د بېړنیو پروګرمونو له رئیس ډاکټر ریچارد جان برنن او. . .

چهارشنبه ۱۳۹۹/۷/۲ - ۱۵:۱۵
Background image

په افغانستان کې د روغتیا نړیوال سازمان د استازي ډاکټر پپر کورن ماموریت پای ته ورسېد

د عامې روغتیا نوماند وزیر ډاکټر احمد جواد عثماني د یوې ناستې په ترڅ کې افغانستان کې د روغتیا نړیوال سازمان د استازي ډاکټر پپرکورن د ماموریت پای او کړنې وستایلې.

ډاکټر عثماني د ښاغلي. . .

BACK TO NEWS