د عامه روغتيا وزارت سره د هېواد په کچه د کورونا ويروس سره د مبارزې په پار (خاطر) د بېلولو ادارونو، وزارتونو او ټولنو همکاري اعلان
ډاکټر فدا محمد پيکان د عامه روغتيا د روغتيايي چوپړونو وړاندې کولو معين د يو ناستې په ترڅ کې د قدرمن محمد قاسم حليمي د عدليه وزارت د مسلکي چارو معين، د حج او اوقافو وزارت د جوماتو چارو معين، د جمعيت اصلاح ټولنې نماينده ګانو، د علماوو ټولنې، د افغانستان د مسلمانو ځوانانو ټولنې، د نجم ټولنې، د ټولنيزو چوپړونو ټولنې، سره ليدنه_ کتنه او خبرې وکړې. په دې ناسته کې د کورونا ويروس د مخنيوي لپاره د ټولنې وګړو ته د عامه پوهاوی د علماوو، ټولنو او بېلابيلو ادارو لخوا ورکول دي.
د روغتيايي چوپړونو وړاندې کولو معين د کورونا ويروس ډېرښت يو جدي خطر اعلان کړ او د خلکو روغتيا ته يې جدي ګواښ او زيان وګڼه او د ټولو نماينده ګانو ته يې وويلې کې عامه روغتيا وزارت شپه او ورځ ددې ويروس د مخنيوي لپاره کار کوي.
د عدليه وزارت معين، د بېلابيلو ټولنو نماينده ګانو، د جمعيت اصلاح ټولنې، نجم ټولنې، د علماوو ټولنې، د ټولنيز چوپړونو ټولنې، د روغتيايي چوپړونو ټولنې د عامه روغتيا وزارت سره د همکاري اعلان وکړ او ژمنه يې وکړه، چې موږ به تاسې سره کار کوو.
