د عامې روغتیا وزارت سرپرست وزیر د نړیوال بانک له رئیس سره وکتل

Panah_moph
پنجشنبه ۱۴۰۰/۵/۷ - ۱۸:۴۶
د عامې روغتیا وزارت سرپرست وزیر د نړیوال بانک له رئیس سره وکتل

پنجشنبه، زمری ۷/۱۴۰۰

د عامې روغتیا وزارت سرپرست، ډاکتر وحید مجروح، نن د یوې ناستې په ترڅ کې د افغانستان لپاره د نړیوال بانک له رئیس سره د عامې روغتیا وزارت کې وکتل.

په دې ناسته کې، د هېواد د روغتیا سیسټم د ریفور او اصلاحاتو د اجنډا، د مدغم شوي روغتیایي خدمتونو نوې کڅوړې، د کورونا ویروس درېیمې څپې پر وړاندې د مبارزې څرنګوالي، د کورونا واکسین چمتو کول، په لیرې پرتو سیمو کې لومړني روغتیایي خدمتونو ته د خلکو لاسرسي ننګونو، په روغتوني روغتیایي خدمتونو کې جدي اصلاحات، د صحتمندي پروژې شته ننګونو او د صحتمندي پروژې وروسته طرحې ډیزاین په اړه هر اړخیز بحث وشو.

د عامې روغتیا وزارت سرپرست د نړیوال بانک د همکارۍ له امله مننه وکړه او دا یې د روغتیا سکتور په ځانګړې توګه د روغتیا/صحتمندي پروژې لپاره له مهمو تمویلوونکو څخه وباله.

ډاکټر مجروح، د روغتیايي خدمتونو په وړاندې کولو کې د نړیوال بانک همکارۍ خورا اغېزمنه او ارزښتناکه وګڼله او له مېرمن ملنډا ګوډ څخه غوښتنه وکړه چې په اوسنیو حساسو شرایطو کې د افغانستان خلک د نړیوالو ریښتیني مرستو ته اړتیا لري.

دغه راز د افغانستان لپاره د نړیوال بانک نوې رئیسې مېرمن ملنډا ګوډ، د افغانستان د حکومت تر مشرتابه لاندې د دوی د همکاریو پر دوام ورکولو ژمنه وکړه او په دې سختو شرایطو کې یې د وزارت د مشرتابه او روغتیایي کارکوونکو ریښتیني هڅې وستایلې.

تازه خبرونه

چهارشنبه ۱۴۰۰/۵/۲۰ - ۱۵:۵۲
Background image

په کابل ښار کې بې ځایه شويو کورنیو ته د خدمتونو وړاندې کولو په پار شل روغتیایي ټیمونه وګمارل شول

چهارشنبه، زمری ۲۰/۱۴۰۰

د عامې روغتیا وزارت سرپرست، ډاکتر وحید مجروح، نن د جمهوري ریاست د چارو ادارې د انسجام مرستیال ډاکټرعبدالکریم توتاخېل، پېښو ته د رسېدو وزارت او د کابل امنیه. . .

سه‌شنبه ۱۴۰۰/۵/۱۹ - ۱۹:۲۱
Background image

د عامې روغتیا وزارت سرپرست: په اوسني وضعیت کې بېړنیو روغتیایي پېښو ته لاسرسی اړین او متفاوت چلند ته اړتیا لري

سه شنبه، زمری ١٩/١٤٠٠

د عامې روغتیا وزارت سرپرست، ډاکتر وحید مجروح، نن د بېړنیو روغتیایي خدمتونو ته لاسرسي د همغږۍ په پارجوړه شوې غونډه کې د روغتیایي خدمتونو وړاندې کولو او اړینو برخو. . .

دوشنبه ۱۴۰۰/۵/۱۸ - ۱۷:۱۱
Background image

د عامې روغتیا وزارت سرپرست د بې پولې ډاکترانو بنسټ له عمومي رییس سره وکتل

دوشنبه، زمری ١٨/١٤٠٠

د عامې روغتیا وزارت سرپرست، ډاکتر وحید مجروح، د بې پولې ډاکتر بنسټ (ام اس اف) له عمومي رییس ښاغلي فلیپي ریبیریو سره د خپل کار په دفتر کې لیدنه او خبرې وکړې.

په. . .

BACK TO NEWS