د هرات ولایت شیدایي کووېد -۱۹ روغتون د میر ابراهیم بسیم په نوم ونومول شو
د عامې روغتیا وزارت نوماند وزیر ډاکټراحمد جواد عثماني له بادغیس او غور ولایتونو وروسته نن هرات ولایت ته تللی او د یاد ولایت روغتیایي کار کوونکو له کړنو څخه چې کورونا ویروس پروړاندې د مبارزې لومړی کرښه کې وؤ ستاینه وکړه.
د عامې روغتیا وزارت نوماند وزیر دغه روغتیايي کار کوونکي د هېواد اتلان وبلل او دوی یې د کورونا ویروس پر وړاندې مبارزه، ماتې ورکولو او د ناروغانو د ژوند ژغورلو کې ارزښتناک وګڼل.
په ورته وخت کې، ډاکټر عثماني په خپلو خبرو کې وویل چې شهید میر ابراهیم بسیم د هرات ولایت کووېډ -۱۹ روغتون له پیاوړي کادرونو څخه وؤ ستاینه وکړه نوموړي خپل ژوند د کورونا ناروغانو د درملنې په برخه کې په یاد ویروس تر اخته کېدو وروسته له لاسه ورکړ، چې په دې سره د هرات ولایت شیدایي کووېډ -۱۹ روغتون یې هم د ښو کړنو او روغتیایي خدمتونو وړاندې کولو په پار د شهید میر ابراهیم بسیم په نوم نومول شو.
د عامې روغتیا نوماند وزیر روغتیايي مسؤولینو ته لارښوونه وکړه چې په یاد ولایت کې د کورونا د دوهمې څپې خپرېدو د مخنیوي لپاره لازم اقدامات وکړي ترڅو د کووېډ -۱۹ ناروغانو سمه درمنله وشي.
د یادونې وړ ده چې د عامې روغتیا وزارت په پام کې لري چې دې روغتون لپاره د اکسیجن د تولید دستګاه وې ولېږي ترڅو یاد روغتون د اکسیجن کموالي ستونزې سره مخ نشي.
