د افغانستان اسلامي امارت د عامې روغتيا وزير ډاکټر قلندرعباد د ايران هيواد له مرستيال سفير ښاغلي مرتضوي سره په خپل کاري دفتر کې ليدنه تر سره کړه
د يادې ليدنې موخه په ننګرهار ، باميان او کابل کې د ايران له لوري د جوړيدونکو روغتيايي مراکزو تجهيز او تمويل او د دواړو هيوادونو ترمنځ د روغتيا په برخه کې د يوې تفاهم نامې لاسليک کيدلو په اړه خبرې اترې وې چې د روغتيا په برخه کې به د دواړو هیوادونو تر منځ لا ښه همغږي رامنځ ته کړي او په بیلا بیلو برخو کې به همکاريو ته لاره پرانيزي.
ښاغلي عباد د ايران هيواد د مرستو او دوامدارې همغږۍ څخه مننه وکړه او د روغتيا په برخه کې د دواړو هيوادونو تر منځ همغږي يې خورا مهمه وبلله.
