د عامې روغتیا وزارت د ترانسپورت وزارت په همکارۍ د دولتي موټرونو د کارولو او ساتنې د څرنګوالي په اړه د دې وزارت موټر چلوونکو ته ښوونیز سیمنیار ترسره کړ
د عامې روغتیا وزارت د مقام د دفتر رئیس، ښاغلي مولوي محمد حسن محمدزي د دې وزارت له موټر چلوونکو څخه وغوښتل، چې له دې فرصت څخه پوره ګټه پورته کړي، د خپلې مسلکي پوهې کچه زیاته او هغه مسئولیتونه چې دوۍ پورې اړه لري په سم ډول ترسره کړي؛ تر څو په راتلونکي کې د ترافیکي پېښو مخنیوی وشي.
همدارنګه د ترانسپورت وزارت مسئولینو، انجینر سلېمان محمودي او انجینر حمیدالله ناصري د موټر چلوونکو د دندو او مسئولیتونو په اړه چمتو کړل شوی پرېزنټېشن وړاندې کړ او له موټر چلوونکو یې غوښتنه وکړه چې په دې سیمینار کې وړاندې کړل شوې برخې په پام کې ونیسي.
