د عامې روغتیا وزارت د معلولینو د بیا رغونې ۳۵ بستریز روغتون کې د یوې مجهزې عملیات خونې پرانیسته ترسره او ګټې اخیستنې ته وسپارل شوه
د دې عملیات خونې د پرانېستې مراسمو کې د عامې روغتیا وزارت مالي او اداري معین، مولوي محمد اسحق صاحبزاده، د عامې روغتیا وزارت رئیسانو او روغتیايي مسئولینو ګډون کړی و.
ښاغلي معین د یادې عملیات خونې پرانیسته یوه ستره لاسته راوړڼه وبلله او ویې ویل، د عامې روغتیا وزارت ژمن دی چې د هېواد ټولو وګړو ته معیاري روغتیايي خدمات وړاندې کړي.
دغه عملیات خونه د عامې روغتیا وزارت په خپله داخلي بودیجه جوړه شوې او وروسته له دې به د معلولو هېوادوالو عملیاتونه پکې ترسره کېږي.
