د عامې روغتیا وزارت له هغو ډاکټرانو څخه چې د ۱۴۰۰ ھ ش کال او له هغه څخه د مخه یې د تخصص پروګرام بشپړ کړی و؛ خو له خپلو مونوګرافونو یې دفاع نه وه کړې، عمومي ازموینه واخیسته
دغه ازموینه چې د روان ۱۴۰۲ ه ش کال د زمري میاشتې په ۱۷مه او ۱۸مه نېټه واخیستل شوه د عامې روغتيا وزارت مالي او اداري معين مولوي محمد اسحاق صاحبزاده او يو شمير نورو مسؤولینو د ازموینې له صحنې ليدنه تر سره کړه ، او ډاکټرانو ته یې د هر ډول همکارۍ ډاډ ورکړ ، په ياده ازموينه کې د جراحۍ په پرنسیپ کې د ۱۳ تخصصي څانګو څخه ۳۱۴ تنو چې ۱۶۹ تنه یې ښځینه او همدارنګه په داخله پرنسیپ کې د ۱۱ تخصصي څانګو څخه ۱۶۵ تنو چې ۱۳ تنه یې
ښځینه وې ګډون کړی و.
د یادې ازموینې د شفافیت د ټینګښت په موخه د پوښتنو د جوړولو مسلکي او نظارتي کمېټې په دواړو ورځو کې د سهار په شپږ بجو را بلل شوې او د قرنطين په شرایطو کې یې ازموینې ته پوښتنې برابرې کړې وې.
د یادونې وړ ده چې یادې ازموینې ته کاندید ډاکټرانو په انلاین توګه د هېواد له مختلفو ولایتونو څخه نوملیکنه کړې وه، چې دغه بې ساری نوښت د دوۍ د اسانتیاوو په موخه تنظیم شوی و.
