په هلمند ولایت کې لس نوي روغتیايي مراکز پرانیستل شول
دعامې روغتیا وزارت مالي او اداري معین، مولوي محمد اسحق صاحبزاده هلمند ولایت ته د خپل سفر په ترڅ کې په دې ولایت کې د لس نویو روغتیايي مراکزو پرانیسته ترسره کړه.
مالي او اداري معین ددې روغتیايي مراکزو د پرانیستې مراسمو ته په وینا کې وویل چې ددې مراکزو له پرانیستې سره به د هلمند ولایت د ولسونو روغتیايي ستونزې حل شي او دوۍ به له معیاري روغتیايي خدماتو څخه برخمن شي.
همدارنګه ښاغلي معین روغتیايي مسئولینو ته سپارښتنه وکړه؛ څو د ولسونو ته لازم روغتیايي خدمات وړاندې کړي او له ناروغانو سره مناسب چلند وکړي.
