د بدخشان، تخار، کندز او بلخ ولایتونو په تخصصي روغتونونو کې د اکمال تخصص پروګرام د پلي کېدو بهیر څخه نظارت ترسره شو
د اکمال تخصص لوی ریاست اړوند د عملیاتي ریاست د څارنې ټیمونه د متخصصو ټرینرانو او ټریني ډاکټرانو د ستونزو معلومولو او د اکمال تخصص پروګرام د ټریننګ تشو د تشخیص او ارزونې په موخه په رسمي ډول د بدخشان، تخار، کندز او بلخ ولایتونو تخصصي روغتونونو ته واستول شول.
په پیل کې یادو ټیمونو د پورته یادو شویو تخصصي روغتونونو له رهبرۍ، د ټریننګ له مسؤلینو، د څانګو له مسؤلینو، متخصصو ټرینرانو او ټریني ډاکترانو سره د اکمال تخصص پروګرام د معیاري کولو په موخه ناسته ترسره او د اکمال تخصص لوی ریاست موخو ته د رسېدو او همدارنګه د لاندې مهمو موضوعاتو پر ارزښت یې ورسره خبرې وکړې، لکه: (د کریکولم او لاک بوک تطبیق، د بستر پر سر تدریس (Bedside Teaching)، سهارنی راپور (Morning Report)، سهارنۍ کتنه (Morning Visit) او د کیس وړاندې کول (Case Presentation)؛ ځکه چې دغه موضوعات د ډاکټرانو د علمي کچې او مسلکي وړتیاوو په لوړولو کې بنسټیز رول لري.
د یادونې وړ ده، چې دا بهیر د مرکز او ولایتونو په ټولو تخصصي روغتونونو او همدارنګه په متممو تخصصي مرکزونو (نظامي او خصوصي تخصصي) کې هم د تطبیق وړ دی.
