نشست وزارت صحت عامه با یونیسف برای بهبود خدمات اساسی صحی در کشور
د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني د اساسي روغتیایي خدمتونو برخه کې د شته ننګونو او ستونزو حل په موخه د یونیسیف ادارې له مسؤلینو سره ناسته ترسره کړه:
په دې ناسته کې چې د روغتیایي خدمتونو وړاندې کولو مرستیال، مشاورینو، یو شمېر مرکزي رئیسانو، د ننګرهار عامې روغتیا رئیس، د یونیسيف ادارې مرستيالې مېرمن Adrea Gims او نورو مسؤلینو شتون درلود، د ولایتونو په کچه د EPHS او BPHS خدماتو د لا ښه والي او کیفیت لوړولو په موخه بحث او خبرې ترسره شوې.
د روغتیایي خدمتونو وړاندې کولو مرستیال په کلینیکونو او روغتیایي مرکزونو کې د اړینو درملو او لازمو امکاناتو پر شتون ټینګار وکړ او د یونیسیف ادارې مسؤلینو ته یې وویل: (د پروګرام د لا ښه تطبیق لپاره باید د بودیجې مناسب او یقیني لګښت او د کارکوونکو معاشونه تنظیم شي).
دغه راز، د روغتیاي مرکزونو په کچه د خدماتو د لا غوره وړاندې کېدو په موخه د عامې روغتیا وزارت او یونیسیف ادارې د ګډ نظارت په اړه هم خبرې ترسره او د یاد نظارت لپاره پلان ترتیب شو.
