د عامې روغتیا وزارت د عامه تغذیې ریاست او د کابل طبي علومو پوهنتون ترمنځ د همغږۍ غونډه ترسره شوه
په دې غونډه کې، چې د عامه تغذیې رئیس ډاکټر حکمت الله معصومي او کابل طبي علومو پوهنتون مشرتابه، چې شاوخوا ۳۰ استادانو او د تغذیې ماسټرۍ پروګرام د لومړۍ دورې محصلانو یې ملتیا کوله د دواړو ادارو تر منځ د یوې دوامداره او منظمې همغږۍ را منځته کولو، د اړوندو معلوماتو شریکولو، په علمي او تجربوي برنامو کې د دواړو ادارو د استازو ګډون، د کارکوونکو د ظرفیت لوړونې، هېوادوالو ته د تغدیې برنامو لاندې چوپړتیاوو برابرولو، په دې برخه کې د کدرونو روزلو، په هېواد کې د خوارځواکۍ پر وړاندې د کوټلي ګامونو اچتولو او د اړونده لارښوونو برابرولو اړوند بحث او خبرې ترسره شوې.
