د عامې روغتیا وزیر د نیمروز له والي سره لیدنه تر سره کړه
د ا.ا.ا. د عامې روغتیا وزیر، ښاغلي مولوي نور جلال جلالي په خپل کاري دفتر کې د نیمروز له والي، شیخ محمد قاسم خالد سره لیدنه ترسره کړه
په دې لیدنه کې د نیمروز ولایت روغتیايي خدماتو پر وضعیت، پر نشه یي توکو د روږدو ناروغانو مرکزونو ته د لا زیاتې پاملرنې او په یاد ولایت کې د نوي جوړ شوي سل بستریز روغتون د خدماتو پیل اړوند خبرې ترسره شوې.
د عامې روغتیا وزیر، ښاغلي مولوي نور جلال جلالي د نیمروز والي ته په دغه ولایت کې د روږدو ناروغانو لپاره د خدماتو ښه والي او سل بستریز روغتون کې د خدماتو پیل او تمویل اړوند ډاډ ورکړ، چې یادو برخو ته به ځانګړې پاملرنه کوي.
