د تخصص برنامې بشپړولو لپاره شاوخوا ۵۰۰۰ کسانو آزموینه ورکړه

Panah_moph
Sat, Oct 24 2020 4:28 PM
د تخصص برنامې بشپړولو لپاره شاوخوا ۵۰۰۰ کسانو آزموینه ورکړه

د افغانستان د اسلامي جمهوریت د عامې روغتیا وزارت د جمعې ‎په ورځ (د ۱۳۹۹/ لړم ۲) نېټه د ازموینې ملي ادارې په همکارۍ د تخصص برنامې کې د شاملېدو په موخه ازموینه واخیسته.

په دغه آزموینه کې د طب بېلابېلو څانګو د هېواد له ټولو برخو څخه شاوخوا ۴۹۰۰ تنو ګډون کړئ وؤ.

دغه آزموینه د عامې روغتیا وزارت نوماند وزیر ډاکټر احمد جواد عثماني، د آزموینو ملي ادارې سرپرست ښاغلی عبدالقدیر خموش، په مشرانو جرګه کې د خلکو استازی ډاکټر زلمی زابلی، په ولسي جرګه کې د خلکو استازی ډاکټر یارباز خان حميدي او د کابل پولي تخنیک پوهنتون د مشرتابه په شتون کې واخیستل شوه.

د عامې روغتیا وزارت نوماند، د دغې آزموینې لړۍ له نږدې و څارله او د آزموینې له شفافیت څخه یې ډاډ ترلاسه کړ.

ډاکټر عثماني د روغتیايي کارکوونکو او د آزموینې ملي ادارې له مسؤلینو څخه چې له څو ورځو را په دېخوا د پوښتنو چمتو کولو په پار په قرنظین کې وؤ مننه وکړه او د آزموینې د ترسره کولو بهیر یې وستایي.

له بلې خوا، د پالیسۍ او پلان جوړونې معین ډاکټر بشیر نورمل او د عامې روغتیا وزارت د مالي او اداري معینیت سرپرست ډاکټر عبد القدیر قدی د دغې آزموینې له ساحې څخه لیدنه وکړه او د ازموینې د پروسې څرنګوالی یې وارزؤ.

دا په داسې حال کې ده چې د ۴۹۰۰ نوماندانو څخه به ۴۲۸ تنه د یوې شفافې پروسې تر بشپړولو وروسته د طب په بېلابېلو څانګو کې جذب شي.

Latest news

Tue, Feb 27 2024 2:37 PM
Background image

Inspection of Private Sectors

The monitoring team tasked with enforcing health regulations of the Directorate of Public Health of Kunar province conducted inspections of various private healthcare facilities in the. . .

Tue, Feb 27 2024 1:21 PM
Background image

The Public Health Department of Samangan Province acquired two ambulances

The Public Health Department of Samangan Province has acquired two ambulances, which were formally transferred to Mullah Mohibullah Bahari, the Public Health Director of the province. . .

BACK TO NEWS