د روغتیايي خدمتونو مرستیال پروان ولایت کې د تطبیق کوونکو مؤسسو مسئولینو سره ناسته ترسره کړه
د افغانستان اسلامي امارت د عامې روغتیا وزارت د روغتیايي خدمتونو مرستیال، ښاغلي مولوي عبدالولي حقاني او ورسره مل پلاوي پروان ولایت ته د خپل رسمي سفر پرمهال دې ولایت کې د تطبیق کوونکو مؤسسو مسئولینو سره ناسته ترسره کړه.
په دې ناسته کې د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني پروان ولایت کې د تطبیق کوونکو مؤسسو فعالیتونه، راتلونکي پلانونه او په چارو کې د دوۍ وړاندیزونه واورېدل.
ښاغلي مرستیال د تطبیق کوونکو مؤسسو مسئولینو ته په روغتیايي برخه کې د هر راز همکارۍ ډاډ ورکړ او د غوره روغتیايي خدمتونو وړاندې کېدو لارښوونه یې وکړه.
