بغلان ولایت کې ۶ ټنه له نېټې تېر او بې کيفيته خوراکي توکي او درمل له منځه یوړل شول
د بغلان ولایت عامې روغتیا ریاست د څارنې او پلټنې آمریت مسؤلینو د ۱۴۰۴ هـ ش کال په څلورو ربعو کې د دې ولایت د پلخمري ښار له بېلا بېلو سیمو څخه ۶ ټنه له نېټې تېر او بېکیفیته خوراکي توکي او درمل راټول کړي وو، چې د ټاکل شوي پلاوي په شتون کې له منځه يوړل شول.
په دې توکو کې (۱۰۶۷) قلمه له نېټې تېر درمل او ۳۸ قلمه بې کیفیته خوراکي توکي شامل وو، چې ټولیز ارزښت یې (۷۳۵۰۳۷) افغانۍ ته رسېږي.
همدارنګه، په دې توکو کې د کینګ په نوم یو قلم چاکليټ، چې د لابراتواري معایناتو پایلې یې منفي ثابتې شوې وې، هم له منځه يوړل شول.
