د افغانستان اسلامي امارت د عامې روغتیا وزیر، ښاغلي ډاکټر قلندر عباد په مالیزیا هېواد کې د نړیوال اسلامي پوهنتون د طب پوهنځي له رئيس، ښاغلي جمال الدين عبدالرحمن سره ليدنه تر سره کړه
دغه لیدنه چې، د افغانستان اسلامي امارت د عامې روغتیا وزیر، ښاغلي ډاکټر قلندر عباد او د ماليزيا د نړيوال اسلامي پوهنتون د طب پوهنځي رئيس، ښاغلي جمال الدين ترمنځ په ماليزيا هېواد کې د افغانستان شارژدافیر، ښاغلي نقيب الله احمدي په شتون کې ترسره شوه، د روغتيا په برخه کې د تجربو شریکولو، د روغتيايي کارکوونکو د ظرفيت لوړونې او افغان محصلينو ته د زده کړو په برخه کې د زمينه سازۍ په اړه بحث او خبرې تر سره شوې.
د عامې روغتیا وزیر، ښاغلي ډاکټر قلندر عباد په بېلا بېلو برخو کې له افغانستان سره د ماليزيا هېواد تعامل وستايه او په اکاډميک بهير کې يې له افغانستان سره د دوۍ ونډه او همکاري اړينه وګڼله.
د نړيوال اسلامي پوهنتون د طب پوهنځي رئيس، ښاغلي جمال الدين په ياده برخه کې د پوره همکارۍ ژمنه وکړه او په وينا يې د افغان محصلينو او روغتيا پالانو د روزنې په برخه کې به پوره همکار اوسي.
