د روغتیايي خدمتونو وړاندې کولو مرستیال د G5 هېوادونو په کنفرانس کې انلاین ګډون ترسره کړ
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د G5 هېوادونو په کنفرانس کې انلاین ګډون ترسره کړ
په دې کنفرانس کې د روغتیایې پراختیا برخه کې د افغانستان، ایران، تاجکستان، عراق او پاکستان هېوادونو ترمنځ د ګډو پولو په اوږدو کې د روغتیايي برخې د پیاوړتیا، د ملاریا، ډینګي تبې او د بیزو ټناکې ( M Pox ) په څېر ناروغیو د مخنیوي، روغتیايي پرسونل د ظرفیت لوړولو، د ساري ناروغیو د کنټرول په موخه د ګډو ستراتېژیو پر چمتو کېدو، په سیمه کې د اقلیم د بدلون له امله د ناروغیو حالت پر اغېزو او په روغتیايي برخه کې د هېوادونو ترمنځ د ګډې همکارۍ اړوند بحث او خبرې ترسره شوې.
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د هېوادونو ترمنځ د ګډو پولو په اوږدو کې د روغتیايي خدمتونو پیاوړي کېدو ټینګار ته په اشارې د ساري ناروغیو د کنټرول په برخه کې د هېوادونو ترمنځ همکاري اړینه یاده کړه او په دې برخه کې یې د یو ځانګړي عمل پلان د چمتو کېدو ډاډ ورکړ.
