د اکمال تخصص رئیس د بدخشان ولایتي روغتون څخه لیدنه تر سره کړه
د عامې روغتیا وزارت د اکمال تخصص رئیس، ډاکټر محمد حیدر عمر او ورسره مل پلاوي شمال او شمال ختیځ ولایتونو ته د خپل سفر په لړ کې د بدخشان ولایتي روغتون څخه لیدنه ترسره کړه.
د یاد سفر په ترڅ کې، چې موخې یې په روغتونونو کې د اکمال تخصص اړوند کریکولم پلي کول او د تخصص په برخه کې د ټریني متخصصینو او ټرینرانو ستونزې او وړاندیزونه له نږدې اورېدل دي، په همدې اساس د عامې روغتیا وزارت د اکمال تخصص رئیس ډاکټر محمد حیدر عمر او ورسره مل نظارتي پلاوي د بدخشان ولایتي روغتون له بېلا بېلو څانګو څخه هر اړخیزه لیدنه ترسره کړه.
د عامې روغتیا وزارت د اکمال تخصص رئیس همداراز د یاد روغتون د بېلا بېلو څانګو له ټریني متخصصینو او ټرینرانو سره ناسته ترسره، په دې برخه کې شته ستونزې او وړاندیزونه واورېدل او د اکمال تخصص د ځانګړي کریکولم د پلي کولو برخه کې یې هغوۍ ته لازمې سپارښتنې ترسره کړې.
