د خصوصي روغتیايي مرکزونو د بهرنيو او کورنيو کارکوونکو د تنظیم لپاره د عامې روغتیا وزارت له لوري ځانګړې کمیټه وګومارل شوه
د ا.ا.ا د عامې روغتیا وزارت د طبی شورا لوی رئیس، ډاکتر فقیر محمد زیار په مشرۍ یوه باصلاحيته کمیټه ټاکلې ده، تر څو په خصوصي روغتیايي مرکزونو کې د بهرنیو ډاکترانو او روغتیايي کارکوونکو شتون او فعالیت تنظیم کړي.
یاده کمیټه مسئولیت لري، چې د بهرنیو کارکوونکو تحصیلي اسناد او د اقامت سندونه وڅېړي او د سرغړونو په صورت کې قانوني اقدامات تر سره کړي.
د نظارت پر مهال د کابل ښار په څو روغتیايي مرکزونو کې د هغه بهرنیو ډاکترانو او روغتیايي کارکوونکو مسلکي فعالیت، چې رسمي جواز نه درلود ودرول شو، ترڅو له اړوندو ادارو څخه لازم جوازونه ترلاسه کړي.
دغه نظارتي بهیر به ډېر ژر نورو ولایتونو کې هم عملي شي. یاده کمیټه به د کورنیو ډاکترانو کړنې هم وارزوي، چې د سرغړونې په صورت کې به ورسره قانوني چلند کېږي.
دغه راز، د عامې روغتیا وزارت به د اړتیا په صورت کې د خپلو کاري پروګرامونو ښه والي لپاره لازم اصلاحات هم راولي.
