د ا.ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د افغانستان لپاره د روغتیا نړیوال سازمان له مشر، ښاغلي ایډوین سنیزا سلاوډر سره لیدنه ترسره کړه
په دې لیدنه کې د سرطاني ناروغیو د درملنې په برخه کې د روغتیايي کارکوونکو ظرفیت لوړونې، د شري واکسین ملي کمپاین او پولیو واکسین غوره تطبیق، د سرطان روغتونونو لپاره د طبي تجهیزاتو برابرېدو، د عامې روغتیا وزارت د جوړې شوې پالیسۍ د تطبیق او روغتیایي خدماتو د پالیسۍ مطابق برابرولو، د سرطان ناروغانو د درملنې برخه کې د همکارۍ او د نویو ستراتیژیو جوړیدو او تطبیق اړوند بحث او خبرې ترسره شوې.
د عامې روغتیا وزیر وویل“ د شري ناروغۍ د واکسین ملي کمپاین باید په ښه توګه ترسره شي او د شري ناروغۍ د مخنیوي لپاره باید مناسب پلان جوړ او عملي شي.
بل لور د روغتیا نړیوال سازمان استازي د خپلو ترسره شویو فعالیتونو په اړه د معلوماتو ورکولو سربېره په یادو برخو کې د بشپړې همکارۍ ډاډ څرګند کړ او په وینا یې هڅه کوي، چې اړونده برخو کې د عامې روغتیا وزارت سره په همغږئ کړنې تر سره کړي.
