د عامې روغتیا وزیر د آغا خان بنسټ له رئیس سره وکتل
د افغانستان اسلامي امارت د عامې روغتیا وزیر ښاغلي، مولوي نورجلال جلالي په خپل کاري دفتر کې د آغا خان بنسټ رئیس، ډاکټر نجم الدین نجم سره د روغتیايي خدمتونو په ښه والي، د روغتیايي کارکوونکو په ظرفیت لوړونې او نورو اړینو موضوعاتو بحث ترسره کړ.
د عامې روغتیا وزیر ښاغلي، نورجلال جلالي د آغاخان بنسټ رئیس، ډاکټر نجم الدین نجم سره په دغه ناسته کې په غوره روغتیايي خدمتونو وړاندې کولو ټینګار وکړ او دغه راز یې یاد بنسټ ته د روغتیا په برخه کې د خدمتونو پر شفافیت او لا ښه والي سپارښتنې تر سره کړې.
د آغاخان بنسټ رئیس، ډاکټر نجم الدین نجم د عامې روغتیا وزیر څخه د مننې ترڅنګ د روغتیایي کارکوونکو ظرفیت لوړونې او روغتیايي خدمتونو کې د پام وړ ښه والي راوستلو ژمنه وکړه.
