د عامې روغتیا وزارت له لوري په ۲۰۲۴ زېږدیز کال کې د روغتیا نړیوال سازمان او UNDP په همکارۍ هېواد کې (267276 ) پشه خانې توزیع شوي دي
دغه پشه خانې د ملاریا اوټبریکونو د کنټرول په موخه توزیع کېږي، چې د روان کال په ترڅ کې د نورستان، پکتیکا، د غزني په ناوه او د کابل په سروبي ولسوالیو کې هم د ویشلو کمپاین پیل شوی، چې پایله کې به یې د ملاریا ناروغۍ د کنټرول آمر، ډاکتر حزب الله فطرت په مشرۍ د UNDP سازمان په همکارۍ ( 386074 ) پشه خانې وویشل شي.
دغه راز بېرته راستنېدونکو هېوادوالو ته هم ( 23473 ) پشه خانې توزیع شوي او په ننګرهار، لغمان، کونړ، نورستان او د کابل سروبي ولسوالۍ په روغتیايي مرکزونو کې به هم امیندوارو مېندو ته (231313) پشه خانو ویشلو تر څنګ د دوا پاشي پروګرام پلی شي.
همداراز پام کې ده، چې د روغتیا نړیوال سازمان او UNDP له لوري په ۲۰۲۶ زېږدیز کال کې د هېواد په لوړ خطر لرونکو ولایتونو (ننګرهار، کونړ او خوست) کې د ۲.۵ میلیونه پشه خانو د ویشلو تر څنګ د دوا پاشي پروګرام تطبیق شي.
