د عامې روغتیا وزارت د مالي او اداري چارو مرستیال، ښاغلي قاري عبدالولي صدیقي په مشرۍ د متخصصینو شورا غونډه ترسره شوه

rasooli_admin
Tue, Sep 15 2026 3:08 PM
MOPH

په دې غونډه کې د عامې روغتیا وزارت د اکمال تخصص لوی رئیس ډاکټر نثاراحمد نیازي، اړوندو مسؤلینو، د عامې روغتیا، کورنیو چارو، دفاع او لوړو زده کړو وزارتونو اړوندو مرکزي روغتونونو استازو ګډون کړی و.

په یاده غونډه کې ۱۵ تنو استادانو ته د علمي رتبو طی مراحلو، نويو مقرر شويو ټرينر ډاکټرانو ته د مالي او معنوي (رتبو) امتیازاتو ورکولو، د شف ډيپارټمنټ، شف ټریننګ، ټرينر متخصص، شف کال، سیکنډ کال، آن کال او ټريني ډاکټرانو د دندو لايحې، له پولې څخه د بهر ډاکټرانو ازموینې او ټریننګ، په سردار محمد داود خان روغتون کې د پلمونولوژۍ فوق تخصص پروګرام، د استخدام پروسې، په روغتونونو کې د اداري چارو ښه والي او د اړوندو چارو د لا منظمېدو په موخه د لازمو اقداماتو پر ترسره کولو پراخ بحث ترسره او د ګډونوالو له لوري نظرونه او وړاندیزونه شریک شول.

د عامې روغتیا وزارت د مالي او اداري چارو مرستیال اړوندو مسؤلینو ته د چارو چټکتیا، ستونزو حل او لازمو اقداماتو ترسره کولو سپارښتنې وکړې او زیاته يې کړه، چې د بهرنیو روغتیايي کارکوونکو د ټریننګ په موخه دې یوه جامع طرحه جوړه او د موضوع ټول اړخونه دې په هر اړخیزه توګه وڅېړل شي؛ ترڅو په هېواد کې د بهرنيو روغتیايي کارکوونکو د روزنې لپاره لازم او اصولي شرایط برابر شي.

په پای کې ټینګار وشو، چې د متخصصو ډاکټرانو د استخدام، د هغوی د مالي او معنوي امتیازاتو تنظیم او د روغتیايي مرکزونو د اداري چارو ښه والي برخه کې دې اړوندې ادارې په ګډه لازم اقدامات ترسره او د پرېکړو د عملي کېدو بهیر دې په جدي توګه تعقیب شي.

Latest news

Mon, Nov 16 2026 3:32 PM
Background image

The Ministry of Public Health of the Islamic Emirate of Afghanistan held a public awareness session on diabetes

The session was attended by Mawlawi Abdul Wali Haqqani, Deputy Minister of Health Services; Qari Abdul Wali Sediqi, Deputy Minister for Finance and Administration Affairs; Sheikh. . .

Mon, Nov 16 2026 2:46 PM
Background image

MoPH Minister Meets with Deputy Head of Uzbekistan’s Pharmaceutical Industry Development Agency

The Minister of Public Health, Mawlawi Noor Jalal Jalali, met with Zafarbek Qasimov, Deputy Head of the Pharmaceutical Industry Development Agency under Uzbekistan’s Ministry of Health,. . .

Mon, Nov 16 2026 2:29 PM
Background image

The Ministry of Public Health Signs MoUs with 30 Domestic and International Companies, Hospitals and Manufacturers

The Ministry of Public Health signed memorandums of understanding (MoUs) with 30 domestic and international companies, hospitals and manufacturers to expand healthcare services, boost. . .

BACK TO NEWS