د افغانستان ا.ا د عامې روغتیا وزیر، ښاغلي مولوي نور جلال جلالي او مل پلاوي کونړ ته د سفر په ترڅ کې د دغه ولایت په خاص کونړ ولسوالۍ کې د ۶۰.۵ میلیونه افغانیو په لګښت د يو عمومي روغتون د بنسټ ډبره کېښوده
په همدې موخه جوړو شويو مراسمو کې د کونړ ولايتي مسؤلينو، د عامې روغتيا رئيس، علماوو او قومي مشرانو ګډون کړی وو.
د عامې روغتیا وزیر وویل: د دې روغتون ودانۍ د ا.ا. له بودیجې څخه جوړېږي او د همدې کال په ترڅ کې به په هېواد کې د څه باندې ۱۰۰ روغتونونو د جوړېدو چارې پیل شي.
همداراز، د کونړ عامې روغتيا رئيس وويل: د خاص کونړ ولسوالۍ ۳۰ بستریز روغتون د ۶۰.۵ میلیونه افغانیو په لګښت جوړېږي، چې ۳۰ بستره به ولري او چارې به یې د یونیم کال په موده کې بشپړې شي.
