د عامې روغتیا وزارت سرپرست د مهمند نړیوال روغتون څخه لیدنه وکړه
دوشنبه، وری ۱۴۰۰/۳۰
د عامې روغتیا وزارت سرپرست ډاکتر وحید مجروح، کندهار ولایت ته د خپل سفر په لړ کې د شنبې په شپه۱:۳۰ یوه نیمه بجه د مهمند نړیوال روغتون څخه لیدنه وکړه.
د عامې روغتیا وزارت سرپرست، د دغه روغتون له جوړېدو هرکلی وکړ او زیاته یې کړه: "د دغه روغتون جوړول د هېواد ټولو وګړو لپاره په بېلابېلو برخو کې د با کیفیته او معیاري روغتیايي خدمتونو وړاندې کولو لپاره یو ښه ګام دی."
ډاکترمجروح وویل: دا روغتون د روغتیایي خدمتونو وړاندې کولو او پرمختللي طبي وسایلو په درلودو سره نه یوازې د هېواد بلکې د سیمې په کچه به یو نمونه روغتون وي.
دا روغتون په معیاري ډول د پرمختللي طبي امکاناتو په درلودو سره د هېواد د یوه سوداګر لخوا د پنځوس ملیون ډالرو په لګښت په كندهار ولایت کی جوړ شوئ دی.
